ᓄᓇᕗᑦ

ᓄᓇᕗᑦ (ᑐᑭᖃᖅᑐᖅ “ᓄᓇᕗᑦ” ᐃᓄᒃᑎᑐᑦ ᐅᖃᐅᓯᒃᑯᑦ) ᑲᓇᑕᐅᑉ ᐱᖓᓱᒋᓕᓚᐅᖅᑕᖓ ᐊᒻᒪᓗ ᓄᑕᐅᓛᖑᑉᓗᓂ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᓂᑦ ᑎᕆᒡᓗᐃᑦ 1, 1999-ᒥᑦ. ᓄᓇᕗᑦ ᐊᖏᑎᒋᓂᖓ 2 ᒥᓕᔭᓐ ᑭᑉᐹᕆᒃᑐᓂᒃ ᑭᓛᒥᑕᓂᒃ ᐊᖏᑎᒋᔪᖅ ᐊᒻᒪᓗ 1/5-ᖓᓂᑦ ᑲᓇᑕᐅᑉ ᑲᑎᓗᒃᑖᕐᓗᒋᑦ ᓄᓇᖓᓂᐅᑉᓗᓂ. ᓄᓇᓕᐸᐅᔭᖅ, ᐃᖃᓗᐃᑦ, ᓂᒋᖅᐸᓯᐊᓂᑦ ᑲᓇᖕᓇᖅᐸᓯᐊᓃᑦᑐᖅ ᕿᑭᖅᑖᓘᑉ ᐊᒻᒪᓗ 8,000-ᓗᐊᓂᒃ ᐃᓄᖃᐅᖅᑐᖅ.

25-ᓂᒃ ᓄᓇᓕᒃᑕᖃᖅᑐᖅ ᓄᓇᕗᒻᒥᑦ ᐱᖓᓲᔪᓂᒃ ᐊᔾᔨᒌᙱᑦᑐᓂᒃ ᖃᐅᔨᓴᐃᑎᓂᒃ ᒪᓕᒃᖢᑎᒃ. ᓄᓇᕗᑦ ᐱᖓᓱᓂᒃ ᐊᕕᒃᓯᒪᔪᖅ: ᕿᑭᖅᑖᓗᒃ, 13-ᓂᒃ ᓄᓇᓕᖃᖅᑐᖅ; ᑭᕙᓪᓕᖅ 7-ᓂᒃ ᓄᓇᓕᖃᖅᑐᖅ; ᐊᒻᒪᓗ ᕿᑎᕐᒥᐅᑦ, ᑕᓪᓕᒪᓂᒃ ᓄᓇᓕᖃᖅᑐᖅ. ᐊᒥᓲᑎᒋᓂᖏᑦ ᐃᓄᐃᑦ 31,113-ᖑᓚᐅᖅᑐᑦ ᓴᒡᒐᕉᑦ 1, 2007-ᒥᑦ..

ᓄᓇᕗᒻᒥ ᐱᖓᓱᓂᒃ ᐊᑐᖅᑕᐅᔪᓂᒃ ᐅᖃᐅᓯᖃᖅᑐᖅ - ᐃᓄᐃᑦ ᐅᖃᐅᓯᖓᑦ (ᐃᓄᒃᑎᑐᑦ ᐊᒻᒪᓗ ᐃᓄᐃᓐᓇᖅᑐᓐ), ᖃᑉᓗᓈᑎᑐᑦ ᐊᒻᒪᓗ ᐅᐃᕖᑎᑐᑦ. ᐃᓄᐃᑦ 85%-ᓗᐊᖑᔪᑦ ᓄᓇᕗᑦ ᐊᒥᓲᑎᒋᓂᖏᓐᓂᑦ. ᐊᒥᓲᖏᑦᑐᓂᒃ ᐅᐃᕝᕕᑎᑐᑦ ᐅᖃᓪᓚᖃᑦᑕᖅᑐᓂᒃ ᐱᑕᖃᖅᑐᖅ 5%-ᓗᐊᖑᔪᑦ ᕿᑭᖅᑖᓗᖕᒦᑦᑐᑦ, ᓄᓇᓕᐸᐅᔭᕐᒥᓗᐊᖅ ᐃᖃᓗᖕᓂᑦ.

ᓄᓇᕗᑦ ᒪᒃᑯᒃᑐᓂᒃ ᐃᓄᖃᐅᓛᖑᔪᖅ ᑲᓇᑕᒥᑦ ᕿᑎᐊᓃᑦᑐᓂᒃ ᐅᑭᐅᖃᕐᓗᑎᒃ ᖃᓂᑖᓂᑦ 22-ᓂᒃ. 53%-ᓗᐊᖏᑦ ᐊᒥᓲᑎᒋᓂᖏᑦᑕ ᑐᖔᓃᑦᑐᑦ 25 ᐅᑭᐅᓖᑦ..

ᓄᓇᕗᑦ ᐃᒃᑮᕐᓇᐃᓐᓇᕐᓚᓲᖑᔪᖅ ᐅᑭᐅᓗᒃᑖᒃᑯᑦ. ᖃᓐᓂᕈᖕᓇᖃᑦᑕᖅᑐᖅ ᐊᐅᔭᒃᑯᓪᓘᓐᓃᑦ. ᐃᖃᓗᖕᓂᑦ, 320 ᑭᓛᒥᑕᓂᒃ ᑐᖔᓃᑦᑐᑦ ᐅᑭᐅᖅᑕᖅᑐᒥᑦ ᐊᖕᒪᓗᕐᓂᐊᓂᑦ, ᐊᐅᔭᒃᑯᑦ ᖁᑦᑎᓛᑦ ᐊᒥᓱᑦ ᐊᑕᐅᓯᙳᕐᓗᒋᑦ 11ºC ᖃᓂᑖᓃᑦᑐᖅ ᐅᑭᐅᒃᑯᑦ ᖁᑦᑎᓛᖅ ᐃᒃᑮᕐᓇᕐᓂᐅᑉ -26ºC-ᒥᑦ -33ºC.-ᒧᑦ-ᖑᖃᑦᑕᖅᖢᓂ. ᐅᑭᐅᒃᑯᑦ ᐅᓐᓄᒃᑯᑦ ᕿᓚᒃ ᒧᒥᔮᖅᑐᓂᒃ ᖃᐅᒪᓂᖃᖃᑦᑕᖅᑐᑦ ᐊᖅᓴᓕᔮᓄᑦ.

ᓄᓇᕗᑦ ᐊᖏᕐᕋᕆᔭᐅᔪᖅ ᐊᔾᔨᒌᙱᑦᑑᑎᓄᑦ ᓂᕐᔪᑎᓄᑦ: ᐅᒥᖕᒪᐃᑦ ᐊᒻᒪᓗ ᐊᒥᕐᕋᐃᑦ ᑐᒃᑐᓄᑦ ᓄᓇᖅᐸᓯᒃᑐᒦᖃᑦᑕᖅᑐᑦ ᐃᓚᒋᔭᐅᑉᓗᑎᒃ ᐊᒃᖤᐃᑦ ᐊᒻᒪᓗ ᐊᒥᓱᐃᑦ ᒥᑭᓂᖅᓴᓄᑦ ᓂᕐᔪᑎᓄᑦ. ᑕᕆᐅᑉ ᐃᓱᐊᓂᑦ, ᓇᓄᐃᑦ ᓯᓈᓂᑦ ᓇᑦᑎᖅᓯᐅᖃᑦᑕᖅᑐᑦ ᐊᒻᒪᓗ ᐊᐃᕕᕐᓂᑦ. ᕿᓇᓗᒐᐃᑦ ᓇᓗᖃᑦᑕᖅᓗᑎᒃ ᓯᑯᖃᕐᓂᐅᔪᓂᒃ, ᐊᒻᒪᓗ ᐊᒥᓱᑦ ᐊᔾᔨᒌᙱᑦᑐᑦ ᑎᖕᒥᐊᑦ ᐅᑎᖃᑦᑕᖅᑐᑦ ᐅᑭᐅᖅᑕᖅᑐᒧᑦ ᐊᐅᔭᒃᑯᑦ.

ᓄᓇᓕᖕᒥᑦ ᐱᔨᑦᑎᕋᐅᑏ

ᑕᒪᓗᒃᑖᕐᓚᒃ ᓄᓇᕗᒻᒥᑦ ᓄᓇᓖᑦ ᐃᖕᒥᒃᑰᖓᔪᑦ ᓄᓇᒥᑦ ᐊᒻᒪᓗ ᑎᑭᑕᐅᔪᖕᓇᖅᑐᑦ ᑭᓯᐊᓂ ᑎᖕᒥᓲᒃᑯᑦ ᐊᒻᒪᓗ ᑕᕆᐅᒃᑯᑦ. ᐊᑐᓂ ᓄᓇᓖᑦ ᑎᖕᒥᓲᓄᑦ ᑎᑭᑕᐅᖃᑦᑕᖅᑐᑦ, ᐊᑭᑐᔪᒻᒪᕆᐅᔪᖕᓇᕋᓗᐊᖅᑐᖅ. ᐃᖏᕐᕋᔭᖕᓂᑦ ᑕᐃᑯᙵᐅᓗᓂ ᐊᒻᒪᓗ ᓄᓇᕗᒻᒥᙶᕐᓗᓂ ᐊᑕᐅᓯᐅᖏᑦᑐᒥᒃ ᑎᖕᒥᓲᒃᑰᕐᓇᕆᐊᖃᓲᖅ, ᐊᒻᒪᓗ ᓯᓂᒃᑕᕐᓂᐊᕐᓗᑎᒃ ᓄᖅᖃᕆᐊᖃᕌᖓᑕ ᑕᐃᒪᐅᒐᔪᒃᑐᖅ.

ᓂᐅᕕᖅᑏᑦ ᐊᒻᒪᓗ/ᐅᕝᕙᓘᓐᓃᑦ ᑯᐊᐸᐃᑦ ᐱᔨᑦᑎᕋᐃᖃᑦᑕᖅᑐᑦ ᑕᒪᕐᒥᓗᒃᑖᖅ ᓄᓇᓕᖕᓂᑦ. ᓂᖀᑦ, ᐃᒡᓗᒧᑦ ᐊᑐᖅᑐᑦ ᐊᒻᒪᓗ ᓇᖕᒥᓂᖅ ᐃᓄᖕᒧᑦ ᐊᑐᖅᑕᐅᓲᑦ ᐊᑭᑐᓂᖅᓴᐅᔪᑦ “ᖃᑉᓗᓈᓂᐅᖓᓂᑦ.” ᖃᕆᑕᐅᔭᒃᑰᕈᖕᓇᐅᑎ, ᒪᓂᒪᔪᖅ ᑕᒪᕐᒥᓗᒃᑖᖅ ᓄᓇᓕᖕᓂᑦ, ᐃᑲᔪᖃᑦᑕᖅᑐᖅ ᒥᒃᖠᒋᐊᖅᓯᓂᕐᒥᒃ ᐃᖕᒥᒃᑰᖓᓂᐅᔪᒥᒃ ᐊᒻᒪᓗ ᑎᑭᑎᑦᑎᑉᓗᓂ ᓄᓇᕐᔪᐊᕐᒥᑦ ᑎᑎᖅᖃᑎᒍᑦ ᐃᓄᖕᓄᑦ ᑎᑭᓴᖅᑕᐅᔪᓂᒃ ᐱᖁᑎᓂᒃ.

ᐊᓯᖏᓐᓂᒃ ᓂᖀᑦ ᓄᓇᓕᖕᒥᑦ ᓂᐅᕕᐊᒃᓴᐅᖃᑦᑕᖅᑐᑦ. ᐊᒥᓱᑦ ᓄᓇᓕᖕᒥᐅᑕᐃᑦ ᐊᑐᖃᑦᑕᖅᑐᑦ ᐅᒥᐊᕐᔪᐊᒃᑯᑦ ᑎᑭᓴᐃᓂᖅ. ᐅᒥᐊᕐᔪᐊᒃᑯᑦ ᑎᑭᓴᖅᑕᐅᔪᑦ, ᐊᔪᙱᑎᑦᑎᔪᑦ ᐃᐳᐃᑦᑐᓂᒃ, ᐸᓂᖅᑐᓂᒃ ᐊᒻᒪᓗ ᖁᐊᖅᓯᒪᔪᓂᒃ ᓂᕿᓂᒃ ᑎᑭᑎᑕᐅᓗᑎᒃ ᓄᓇᓕᖕᓄᑦ ᐊᐅᔭᐅᑎᓪᓗᒍ.

ᖃᕆᑕᐅᔭᒃᑯᑦ ᑮᓇᐅᔭᒃᑯᕕᓕᕆᓂᖅ ᒪᓂᒪᔪᖅ ᑕᒪᕐᒥᓗᒃᑖᖅ ᓄᓇᕗᒻᒥᑦ ᓄᓇᓕᖕᓂᑦ. ᑮᓇᐅᔭᒃᑯᕖᑦ ᐱᖃᐅᖅᑐᑦ ᐃᖃᓗᒃᑑᑦᑎᐊᕐᒥᑦ RBC, ᐃᖃᓗᐃᑦ (CIBC, RBC ᐊᒻᒪᓗ First Nations Bank of Canada) ᐊᒻᒪᓗ ᑲᖏᖅᖠᓂᕐᒥᑦ (CIBC ᐊᒻᒪᓗ RBC). ᑕᒪᕐᒥᓗᒃᑖᕐᓚᒃ ᓄᓇᓖᑦ ᑮᓇᐅᔭᓂᒃ ᐊᒧᓯᕝᕕᖃᖅᑐᑦ ᓂᐃᕕᖅᑎᓂᑦ ᐊᒻᒪᓗ/ᐅᕝᕙᓘᓐᓃᑦ ᑯᐊᐸᒃᑯᓐᓂᑦ. ᑮᓇᐅᔭᖃᖅᑎᑦᑎᔪᑦ ᐊᐅᒃᑕᔫᑦ ᐱᔭᐅᔪᖕᓇᖅᑐᑦ ᐊᒥᓱᓂᑦ, ᑭᓯᐊᓂ ᑕᒪᓗᒃᑖᕐᒥᐅᖏᑦᑐᖅ, ᓂᐅᕕᕐᕕᖕᓂᑦ ᐊᒻᒪᓗ ᐱᔨᑦᑎᕋᐃᔪᓂᑦ.

ᐳᑭᖅᑕᓖᑦ ᒥᐊᓂᖅᓯᓂᕐᒧᑦ ᐱᔨᑦᑎᕋᐃᖃᑦᑕᖅᑐᑦ ᑕᒪᐃᓐᓂᑦ ᓄᓇᓕᖕᓂᑦ ᓄᓇᕗᒻᒥᑦ. ᐊᒥᓱᑦ ᓄᓴᓖᑦ ᐱᓕᕆᔨᖃᕐᒥᔪᑦ ᐳᑭᖅᑕᓕᙳᐊᓂᑦ ᒪᓕᒃᑕᐅᑎᑦᑎᖃᑦᑕᖅᑐᓂᒃ ᒪᓕᒐᕋᓛᓂᑦ..

ᐊᑐᓂ ᓄᓇᓖᑦ ᒥᑭᓂᖅᓴᓄᑦ ᐊᒻᒪᓗ ᖁᑦᑎᖕᓂᓴᖅᓄᑦ ᐃᓕᓐᓂᐊᕐᕕᖃᖅᑐᑦ. ᐅᐃᕖᒃᑯᑦ ᐅᖃᐅᓯᕐᒧᑦ ᐃᓕᓐᓂᐊᕐᓲᑦ (ᒥᑭᓂᖅᓴᓂᑦ ᐊᒻᒪᓗ ᒪᒃᑯᖕᓂᖅᓴᐃᑦ ᖁᑦᑎᓂᖕᓂᖅᓴᒧᑦ) ᒫᓐᓇᐅᔪᖅ ᒪᓂᒪᔪᑦ ᐃᖃᓗᖕᓂᑦ.

ᓯᓚ

ᓄᓇᕗᑦ ᐊᖏᔪᐊᓘᔪᖅ ᓄᓇᐅᑉᓗᓂ ᐊᒻᒪᓗ ᓯᓚ ᐊᔾᔨᒌᙱᓐᓂᖃᑦᑎᐊᕈᖕᓇᖅᑐᖅ. ᒪᓕᒐᐅᑉᓗᓂ, ᓄᓇᖅᐸᓯᒃᑐᑦ ᐆᓇᕐᓂᖅᓴᐅᖃᑦᑕᖅᑐᖅ ᓴᒡᒐᕉᑦᒥᑦ ᐊᒻᒪᓗ ᐋᒡᔪᓕᕐᕕᖕᒥᑦ ᓯᒡᔭᖅᐸᓯᒃᑐᓂᐅᖓᓂᑦ ᐊᒻᒪᓗ ᐱᖓᖕᓇᖅᐸᓯᒃᑐᓂᑦ ᐆᓇᕐᓂᖅᓴᐅᑉᓗᓂ ᕿᑭᖅᑖᓗᖕᒥᐅᖓᓂᑦ. ᐅᐱᕐᖔᒃᑯᑦ ᐆᓇᕐᓃᑦ ᐊᔾᔨᒌᖓᓂᖅᓴᐅᖃᑦᑕᖅᑐᑦ ᓄᓇᕗᓗᒃᑖᕐᒥᑦ ᐊᒥᓱᑦ ᐊᑕᐅᓯᙳᕐᓗᒋᑦ ᐅᑉᓗᒃᑯᑦ ᖁᑦᑎᒃᑐᖅ ᐆᓇᕐᓃᑦ ᐊᑯᓂᖏᓐᓂᑦ –20ºC ᐊᒻᒪᓗ –10ºC. ᓂᒡᓕᓇᖅᑐᑦ ᐅᑉᓗᐃᑦ ᓯᕿᓐᓂᖅᑐᒧᑦ ᐃᓚᖃᖃᑦᑕᖅᖢᑎᒃ. ᓇᑦᑎᐊᑦ ᓄᙳᐊᓐᓂᑦ ᓄᕐᕋᐃᑦ ᓄᙳᐊᓄᑦ ᓯᕿᓂᖅ ᐊᐳᑎᒧᑦ ᐊᒻᒪᓗ ᓯᑯᒧᑦ ᖃᐅᒪᓂᖓ ᓴᙱᒃᑎᓯᒪᓗᐊᕐᓂᖓᓄᑦ ᓯᕿᓂᕐᒧᑦ ᐆᑦᑕᐃᓕᔾᔪᑎᓯᒪᔭᕆᐊᖃᖃᑦᑕᖅᑐᑦ.

ᐸᕐᓇᒃᓯᒪᓗᑎᑦ ᓇᐃᓐᓂᖅᓴᐅᓂᐊᖅᑐᓄᑦ ᐅᑉᓗᓄᑦ ᐊᒻᒪᓗ ᐃᒃᑮᕐᓇᖅᑐᓄᑦ ᐅᑭᐅᒃᑯᑦ. ᐅᐊᖕᓇᖅᐸᓯᒃᑐᒥᑦ, ᓇᐃᓐᓂᖅᓴᐅᑉᓗᑎᒃ ᐅᑭᐅᑦ ᐅᑉᓗᖏᑦ. ᓄᓇᓖᑦ ᐅᐊᖕᓇᖓᓃᑦᑐᑦ ᐅᑭᐅᖅᑕᖅᑑᑉ ᐊᖕᒪᓗᖅᑐᖓᓂᑦ ᓯᕿᓂᕐᒥᑦ ᑕᑯᔾᔮᖏᑦᑐᑦ ᖃᑉᓯᐊᕐᔪᐃᑦ ᐅᑉᓗᕆᔭᐅᔪᓄᑦ. ᐱᖃᑖᒍᑦ, ᐊᐅᔭᒃᑯᑦ, ᐅᐊᖕᓇᖅᐸᓯᖕᒧᐊᕈᕕᑦ ᐊᒥᓲᓂᖅᓴᐃᑦ ᐃᑲᕐᕋᓄᑦ ᖃᐅᒪᓂᖃᖅᑐᒦᓐᓂᐊᖅᑐᑎᑦ.

ᖃᐅᓯᕐᓂᖃᓗᐊᖏᓐᓂᖅ ᒥᒃᖠᒋᐊᖅᓯᖃᑦᑕᖅᑐᖅ ᐃᒃᑮᕐᓇᕐᓂᕐᒥᑦ, -20ºC-ᖑᔪᑦ -5ºC-ᖑᔮᕐᓗᑎᒃ ᓂᒋᖅᐸᓯᐊᓂᑦ ᑲᓇᑕᒥᑦ. ᑕᖅᖀᓐᓇᕐᔪᐊᕐᒥᑦ ᓇᑦᑎᐊᕐᒧᑦ ᑕᖅᖀᑦ ᓂᒡᓕᓇᓛᖑᖃᑦᑕᖅᑐᑦ. ᐊᓄᕆᒧᑦ ᓂᒡᓕᓇᕐᓃᑦ ᐊᖏᓂᖅᓴᐅᒐᔪᒃᑐᑦ ᐊᓂᖅᓵᖅᑐᖅᑕᑉᑕ ᓂᒡᓕᓇᕐᓂᖓᓂᐅᖓᓂᑦ.

ᑕᒪᓗᒃᑖᕐᓚᒃ ᐅᑭᐅᖅᑕᖅᑐᖅ ᐃᓂᓕᐅᖅᓯᒪᔪᖅ ᐅᑭᐅᖅᑕᖅᑐᒥᑦ ᐊᐳᑕᐃᓐᓇᐅᔪᒧᑦ ᖃᐅᓯᕐᓂᕐᒥᒃ ᐅᖃᐅᓯᖃᖅᑎᓪᓗᒋᑦ. ᐊᑯᓂᐅᔪᒥᑦ ᐸᓂᕐᓂᖃᖃᑦᑕᖅᑐᖅ, ᓄᕗᔭᖃᙱᑦᑐᑦ ᐅᑉᓗᓂᑦ ᖃᐅᓯᕐᓂᖃᙱᓪᓗᑎᒃ. ᐅᐊᖕᓇᖅᐸᓯᒃᑐᑦ ᓄᓇᓖᑦ ᐊᐱᙱᓐᓂᖅᓴᐅᑉᓗᑎᒃ ᐊᒥᓱᓂᐅᖓᓂᑦ ᐊᖏᓂᖅᓴᐅᔪᓂᑦ ᓂᒋᖅᐸᓯᒃᑐᓂᑦ.

ᑕᒪᓗᒃᑖᕐᓚᒃ ᓄᓇᕗᒻᒥᑦ, ᓂᒡᓚᓱᖕᓂᖓ ᐅᐱᕐᖔᒃᑯᑦ ᓂᒡᓕᓇᕐᓂᐅᑉ ᑐᑭᖃᖅᑐᖅ ᐊᐱᓯᒪᔪᖅ ᐊᐅᕌᓂᖃᑦᑕᙱᑦᑐᖅ ᑭᓯᐊᓂ ᒪᓐᓃᑦᖑᓕᕌᖓᑦ. ᑕᒪᓗᒃᑖᕐᓚᒃᓄ ᓄᓇᕗᒻᒧᑦ, ᑕᖅᖀᑦ ᑭᓯᒥ ᐊᐳᑎᖃᙱᑦᑐᑦ ᓄᖑᑉᐸᓪᓕᐊᓂᖓᓂᑦ ᒪᓐᓃᑦ, ᓴᒡᒐᕉᑦ ᐊᒻᒪᓗ ᐊᑯᓪᓕᕈᕐᕕᒃ. ᑕᕆᐅᑉ ᓯᑯᖓ ᑭᖑᓂᒃᑲᓐᓂᐊᒍᑦ ᐊᐅᖃᑦᑕᖅᑐᖅ. ᑕᒪᓗᒃᑖᕐᓚᒃ ᒪᖁᒃᑐᑦ ᑕᕆᐅᕐᒥᑦ ᓯᑯ ᐊᐅᖅᖄᖅᑎᓪᓗᒍ, ᐊᑯᓐᓂᖓᓂᐅᒐᔪᒃᑐᖅ ᕿᑎᐊᓂᑦ ᓴᒡᒐᕉᑦ ᐊᒻᒪᓗ ᐃᓱᐊᓂᑦ ᐊᑯᓪᓕᕈᕐᕕᐅᑉ.

ᐱᖅᓯᖃᑦᑕᖅᑐᑦ ᐅᑭᐅᓖᑦᒥᑦ ᐊᒻᒪᓗ ᑲᑕᒑᕆᕝᕕᖕᒥᑦ ᐊᒻᒪᓗ ᐊᕗᓐᓂᕕᖕᒥᑦ ᑎᕆᒡᓗᐃᑦᒧᑦ.

ᑕᒪᕐᒥᓗᒃᑖᕐᓚᒃ ᓄᓇᓖᑦ ᐊᑐᖃᑦᑕᖅᑐᑦ 24 ᐃᑲᕐᕋᓂᒃ ᖃᐅᒪᓂᕐᒥᑦ ᓄᕐᕋᐃᑦᒥᑦ ᐊᑯᓪᓕᕈᕐᕕᖕᒧᑦ, ᐊᒻᒪᓗ 24 ᐃᑲᕐᕋᓄᑦ ᑖᕐᓂᕐᒥᑦ ᑲᑕᒑᕆᕝᕕᖕᒥᑦ ᐊᕗᓐᓂᕕᖕᒧᑦ. ᐅᐱᕐᖓᒃᓵᖅ ᓄᖑᑉᐸᓪᓕᐊᓂᖓᓂᑦ ᐊᒻᒪᓗ ᐊᐅᔭᒃᑯᑦ, ᓯᕿᓐᓃᓐᓇᕐᓂᖅ ᐊᒃᑐᖅᓯᓂᖃᕈᖕᓇᖅᑐᖅ ᐃᓄᐃᑦ ᓯᓂᖏᓐᓂᑦ. ᐊᒥᓱᑦ ᐃᓄᐃᑦ ᐃᒡᓗᑕᖏᑦ ᖃᓪᓕᖃᑦᑕᖅᑕᖏᑦ ᐅᕝᕙᓘᓐᓃᑦ ᐃᔨᖏᓐᓄᐊᖅᓯᓯᒪᑉᓗᑎᒃ. ᐱᖃᑖᒍᑦ, ᐅᑭᐅᒃᑯᑦ ᐃᓚᖏᑦ ᐃᓄᐃᑦ ᐊᒃᑐᖅᑕᐅᖃᑦᑕᖅᑐᑦ ᖃᐅᒪᓂᖃᓗᐊᖏᓐᓂᕐᒧᑦ. ᐃᑭᑦᑕᖅᑐᓄᑦ ᐃᑲᔪᐃᔾᔪᑏᑦ ᐃᑲᔪᖃᑦᑕᖅᑐᑦ.