ᐋᓐᓂᐊᕐᕕᒃᑕᖃᐅᖅᑐᑦ 25-ᓂᑦ ᓄᓇᓕᖕᓂᑦ ᓄᓇᕗᑦ ᐃᓗᐊᓂᑦ, ᐃᓚᐅᔪᑦ ᐊᕕᒃᑐᖅᓯᒪᔪᓂᑦ ᐋᓐᓂᐊᕐᕖᑦ ᑲᖏᖅᖠᓂᕐᒥᑦ ᐊᒻᒪᓗ ᐃᖃᓗᒃᑑᑦᑎᐊᕐᒥᑦ (ᑕᐃᑲᓃᑦᑐᖕᓇᖅᑐᓂᒃ/ᐊᐅᓚᖅᑎᑕᐅᔪᓂᒃ ᐋᓐᓂᐊᖅᑐᓄᑦ ᐃᓂᖃᕐᓗᑎᒃ) ᐊᒻᒪᓗ ᐊᑕᐅᓯᖅ ᐃᓂᐅᔪᒥᑦ ᐋᓐᓂᐊᓯᐅᕐᕕᒃᑕᖃᖅᖢᓂ ᐃᖃᓗᐃᑦᓂᑦ. ᐋᓐᓂᐊᕐᕕᖕᒥᑦ ᑲᒪᔨᐅᓗᐊᖅᑐᑦ ᓇᔭᙳᐊᑦ ᐃᖢᐊᖅᓴᐃᔨᑎᑑᖅᑐᑦ, ᓄᓇᓕᖕᒥᑦ ᓇᔭᙳᐊᑦ, ᐊᖏᕐᕋᖏᓐᓂᑦ ᑲᒪᖃᑦᑕᖅᑐᑦ ᓇᔭᙳᐊᑦ, ᑭᑐᑐᐃᓐᓇᐃᑦ ᐋᓐᓂᐊᖅᑕᐃᓕᒪᓂᖏᓐᓄᑦ ᓇᔭᙳᐊᑦ, ᖃᑕᙳᑎᒌᓄᑦ ᐃᖢᐊᖅᓴᐃᔩᑦ, ᐊᒻᒪᓗ ᐃᖢᐊᖅᓴᐅᑎᑖᕐᕕᒃᑕᖃᖅᓗᑎᒃ. 

ᕿᑭᖅᑕᓂᑦ ᐋᓐᓂᐊᓯᐅᕐᕕᒃ (ᐃᖃᓗᐃᑦ)

  • ᕿᑭᖅᑕᓂᑦ ᐋᓐᓂᐊᓯᐅᕐᕕᒃ ᐋᓐᓂᐊᖅᑐᓂᒃ ᐱᖃᑦᑕᖅᑐᑦ 35-ᓂᒃ ᐃᒡᓕᖃᖅᖢᓂ 20-ᓂᒃ ᐃᓐᓇᕐᓄᑦ ᐊᒻᒪᓗ 15-ᓂᑦ ᓄᑕᖅᖃᓄᑦ ᐃᒡᓕᕐᓂᑦ ᒫᓐᓇᐅᔪᖅ ᒪᓂᒪᔪᓂᑦ.
  • ᓄᑖᖑᔪᖅ ᐋᓐᓂᐊᓯᐅᕐᕕᖕᒥᑦ, ᐊᒥᓱᙳᕆᐊᓚᐅᖅᑐᑦ ᐃᕐᓂᓱᒡᕖᑦ ᒪᕐᕉᖕᓂᑦ ᓯᑕᒪᓄᑦ. ᐱᓚᒃᑕᐅᔪᓄᑦ ᐃᒡᓖᑦ ᐊᒥᓱᙳᕆᐊᓚᐅᖅᑐᑦ ᓯᑕᒪᓂᑦ ᐃᒡᓕᕐᓂᑦ ᐊᕐᕕᓂᓕᖕᓄᑦ.
  • ᓄᑖᖅ ᐋᓐᓂᐊᓯᐅᕐᕕᒃ ᐱᖃᐅᖅᑐᖅ ᐊᔾᔨᓕᐅᕈᑎᒥᒃ ᐊᒻᒪᓗ ᖃᐅᔨᓴᕐᕕᖕᓂᑦ ᐊᒻᒪᓗ ᓄᑖᒥᒃ ᑐᐊᕕᓇᖅᑐᓕᕆᓂᕐᒧᑦ ᖃᕆᐊᕐᒥᑦ, ᐱᓚᒃᑐᐃᕝᕕᖕᒥᑦ ᐊᒻᒪᓗ ᐅᑉᓗᕐᒥᑦ ᐱᓚᒃᑕᐅᕝᕕᖕᓂᑦ. ᐃᖢᐊᖅᓴᖅᑕᐅᖃᑦᑕᖅᑐᓄᑦ ᑎᑎᖅᖃᐅᑏᑦ ᓄᑖᖑᓂᐊᕐᒥᔪᑦ ᐋᓐᓂᐊᓯᐅᕐᕕᖕᒥᑦ.
  • ᕿᑭᖅᑖᓗᖕᒥᑦ ᐋᓐᓂᐊᓯᐅᕐᕕᐅᓚᐅᖅᑐᖅ, ᖃᓂᑖᓃᑦᑐᖅ ᓄᑖᖅ ᐋᓐᓂᐊᓯᐅᕐᕕᐅᑉ, ᓂᕆᔭᐅᖃᑦᑕᖅᑐᓕᕆᔨᖃᖅᑐᖅ, ᐃᖢᐊᖅᓴᐅᑎᑖᕐᕕᖕᒥᑦ, ᐋᓐᓂᐊᕐᕕᖕᒥᑦ ᐊᓂᖃᑦᑕᖅᑐᓂᑦ, ᐃᑲᔪᖃᑦᑕᖅᑐᑦ ᐱᔨᑦᑎᕋᐅᑎᓂᑦ ᐊᒻᒪᓗ ᐃᖢᐊᖅᓴᐃᔩᑦ/ᐊᔾᔨᐅᖏᑦᑐᓕᕆᔩᑦ ᐃᖢᐊᖅᓴᐃᕝᕕᖏᓐᓂᑦ.

ᐋᓐᓂᐊᕐᕖᑦ 7 723ce6f3-2799-4609-b81e-fff714739493