ᐋᓐᓂᐊᖃᖅᑕᐃᓕᒪᔪᓕᕆᔨᒃᑯᑦ
ᓄᓇᕗᒻᒥ ᐋᓐᓂᐊᖅᑐᓕᕆᔨᒃᑯᑦ ᐊᒻᒪᓗ ᐃᓄᓕᕆᔨᒃᑯᑦ ᑐᓂᓯᖃᑦᑕᖅᑐᑦ ᐊᔾᔨᒌᙱᑦᑐᓂᒃ ᑐᕌᖓᔪᓂᑦ ᐊᒻᒪᓗ ᐱᔨᑦᑎᕋᐅᑎᓂᒃ ᐅᑯᓄᖓ:
- ᐋᓐᓂᐊᖃᖅᑕᐃᓕᒪᓂᕆᓂᖅ
- ᐊᖏᕐᕋᒋᔭᐅᔪᒥᑦ, ᓄᓇᓕᖕᒥᑦ ᐊᒻᒪᓗ ᐊᑯᓂᐅᔪᒥᑦ ᑲᒪᒋᔭᐅᔪᓂᑦ
- ᐃᓱᒪᒃᑯᑦ ᐋᓐᓂᐊᖃᖅᑕᐃᓕᒪᔪᓕᕆᓂᕐᒥᑦ ᐊᒻᒪᓗ ᐊᔪᕈᑎᖃᖅᑐᓂᒃ ᑲᒪᓂᕐᓂᑦ
- ᐋᓐᓂᐊᖃᖅᑕᐃᓕᒪᓂᕐᒥᒃ ᑕᑯᒃᓴᐅᑎᑦᑎᔪᓂᒃ ᐊᒻᒪᓗ ᐋᓐᓂᐊᖃᖅᑕᐃᓕᒪᓂᕐᒥᒃ ᒥᐊᓂᖅᓯᓂᕐᒥᒃ
-
ᐊᔪᕈᑎᖃᕐᔪᐊᖅᑐᓂᒃ, ᖃᓄᐃᑦᑐᖕᓃᖅᓴᓂᕐᒧᑦ ᐃᑲᔪᖃᑦᑕᖅᑐᓂᒃ ᐊᒻᒪᓗ ᐱᓚᒃᑕᐅᔪᓂᒃ ᑲᒪᔪᓂᑦ
ᐋᓐᓂᐊᖃᖅᑕᐃᓕᒪᔪᓕᕆᔨᒃᑯᑦ ᕿᓃᓐᓇᖃᑦᑕᖅᑐᑦ ᓄᑖᓂᒃ ᐊᒻᒪᓗ ᓄᑕᐅᔪᓂᒃ ᐊᑐᖅᑕᐅᓂᐊᖅᑐᓂᒃ ᐱᓕᕆᐊᕆᓂᐊᕐᓗᒍ ᐋᓐᓂᐊᖃᖅᑕᐃᓕᒪᓂᕐᒧᑦ ᑲᒪᓂᖅ ᓄᓇᕗᒻᒥᑦ ᐊᔾᔨᒌᙱᑦᑑᑕᐅᔪᖏᓐᓂᑦ. ᐅᖃᓘᑎᒃᑯᑦ ᐋᓐᓂᐊᖃᖅᑕᐃᓕᒪᔪᓕᕆᓂᖅ ᐆᒃᑑᑕᐅᔪᖅ ᓄᑖᖑᑉᓗᓂ ᐊᑐᖅᑕᐅᖃᑦᑕᖅᑐᖅ ᑲᑎᓐᓂᖃᖃᑦᑕᖅᖢᓂ ᐅᖓᓯᒃᑐᓃᑦᑐᓄᑦ ᓄᓇᓕᖕᓄᑦ ᐊᔾᔨᒌᙱᑦᑐᓂᒃ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐃᓅᖃᑎᒌᓄᑦ ᑐᕌᖓᔪᓄᑦ ᐊᒻᒪᓗ ᐱᔨᑦᑎᕋᐅᑎᓄᑦ ᐊᔾᔨᓕᐅᕈᑎᒃᑯᑦ ᑲᑎᒪᖃᑎᒋᔭᐅᑉᓗᑎᒃ ᐋᓐᓂᐊᖃᖅᑕᐃᓕᒪᓂᕐᒧᑦ ᑲᒪᔨᐅᔪᑦ ᑕᐃᑲᓂ ᐊᒻᒪᓗ ᓯᓚᑖᓂᑦ ᓄᓇᕗᑦ.
ᐋᓐᓂᐊᖃᖅᑕᐃᓕᒪᔪᓕᕆᔨᒃᑯᑦ ᐱᓕᕆᖃᑎᖃᖃᑦᑕᖅᑐᑦ ᒐᕙᒪᑐᖃᒃᑯᓐᓂᑦ, ᕼᐋᒻᓚᒃᑯᓐᓂᑦ, ᐊᒻᒪᓗ ᒐᕙᒪᒃᑰᖏᑦᑐᓂᒃ ᐊᐅᓚᑦᑎᔨᓂᑦ ᑲᑐᔾᔨᖃᑎᒌᓂᑦ ᐊᐅᓚᓐᓂᐊᕐᓗᒋᑦ ᑐᕌᖓᔪᖏᑦ ᓲᕐᓗ ᖃᐅᒪᓂᖅᓴᐅᔪᒥᒃ ᓯᕗᓂᒃᓴᐃᑦ ᐱᐅᓯᒋᐊᖅᓯᖃᑦᑕᖅᑐᑦ ᑎᒥᒃᑯᑦ, ᐃᓱᒪᒃᑯᑦ ᐊᒻᒪᓗ ᐃᓅᖃᑎᒌᒃᑯᑦ ᖃᓄᐃᖏᑦᑎᐊᕐᓂᖏᓐᓄᑦ ᓄᓇᕗᒻᒥᐅᑕᓂᑦ. ᑲᓇᑕᒥᑦ ᓯᖓᐃᔪᑦ ᓂᕿᑦᑎᐊᕙᓄᑦ ᑐᕌᖓᔪᖅ ᑐᓂᓯᖃᑦᑕᖅᑐᖅ ᑮᓇᐅᔭᑎᒍᑦ ᐃᑲᔪᐃᓂᕐᒥᒃ ᓄᓇᓕᖕᒦᑦᑐᓂᒃ ᐊᐅᓚᑦᑎᔨᓂᒃ ᑲᑐᔾᔨᖃᑎᒌᓂᑦ ᑐᕌᖓᔪᖃᖅᑎᑦᑎᖃᑦᑕᖅᑐᓂᒃ ᐊᒻᒪᓗ ᐱᔨᑦᑎᕋᐅᑎᓂᒃ ᐅᓗᕆᐊᓇᕐᓂᕐᒦᑦᑐᓂᑦ ᓯᖓᐃᔪᓂᑦ ᐊᕐᓇᓄᑦ. ᐱᓕᕆᖃᑦᑕᖅᑐᓂᒃ ᑲᑎᒪᔪᖃᐅᖅᑐᑦ ᐋᓐᓂᐊᖃᖅᑕᐃᓕᒪᔪᓕᕆᔨᒃᑯᓐᓄᑦ ᐱᓕᕆᐊᖃᖅᑐᓂᒃ ᐱᔾᔪᑕᐅᔪᓂᒃ ᓲᕐᓗ ᓱᐴᖅᑐᕈᖕᓃᕈᒪᔪᓄᑦ, ᓯᖓᐃᒋᔭᐅᑉᓗᑎᒃ ᐃᒥᐊᓗᖕᒧᑦ ᐊᒃᑐᖅᑕᐅᓯᒪᔪᓄᑦ, ᐃᖕᒥᓃᖅᑕᐃᓕᓂᕐᒧᑦ, ᐃᓱᒪᒃᑯᑦ ᐊᒻᒪᓗ ᑭᒍᑎᓄᑦ ᐋᓐᓂᐊᖃᖅᑕᐃᓕᒪᓂᕐᒥᑦ. ᐋᓐᓂᐊᖃᖅᑕᐃᓕᒪᓂᕐᒥᑦ ᐃᑲᔪᖃᑦᑕᖅᑐᑦ ᐊᔪᙱᓐᓂᖃᖅᑐᑦ, ᓲᕐᓗ ᓂᕿᑦᑎᐊᕙᓕᕆᔩᑦ ᐊᒻᒪᓗ ᑭᑐᑐᐃᓐᓇᓄᑦ ᐋᓐᓂᐊᖃᖅᑕᐃᓕᒪᔪᓕᕆᔩᑦ, ᓄᓇᓕᖕᒥᑦ ᐱᓕᕆᖃᑦᑕᖅᑐᑦ ᐃᑲᔪᖅᑐᐃᑉᓗᑎᒃ ᐋᓐᓂᐊᖃᖅᑕᐃᓕᒪᓂᕐᒥᒃ ᐊᒻᒪᓗ ᖃᓄᐃᖏᑦᑎᐊᕐᓂᕐᒥᒃ ᐃᓕᓐᓂᐊᖅᑎᑦᑎᓂᒃᑯᑦ ᐊᒻᒪᓗ ᐊᔪᙱᓐᓂᕐᓂᒃ ᑐᓂᓯᖃᑦᑕᕐᓂᒃᑯᑦ.
ᐱᓕᕆᐊᕆᓂᐊᖅᑕᕗᑦ
ᐃᑲᔪᖅᑐᐃᑉᓗᑎᒃ, ᒥᐊᓂᖅᓯᑉᓗᑎᒃ ᐊᒻᒪᓗ ᐱᐅᓯᒋᐊᖅᓯᑉᓗᑎᒃ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᖃᓄᐃᖏᑦᑎᐊᕐᓂᕐᒥᒃ ᓄᓇᕗᒻᒥᐅᑕᓗᒃᑖᓄᑦ, ᐃᓚᓕᐅᑎᑉᓗᒋᑦ ᐃᓄᐃᑦ ᖃᐅᔨᒪᔭᑐᖃᖏᑦ ᓇᓃᓐᓂᓗᒃᑖᓂᑦ ᐱᔨᑦᑎᕋᐅᑎᖏᓐᓄᑦ ᐊᒻᒪᓗ ᐱᓕᕆᐊᕆᖃᑦᑕᖅᑕᖏᓐᓂᑦ.
ᑕᐅᑐᒐᖅ
ᑕᐅᑐᒐᖃᖅᑐᒍᑦ ᖃᓄᐃᖏᑦᑎᐊᖅᑎᓐᓂᐊᕐᓗᒋᑦ ᓄᓇᕗᒻᒥᐅᑕᓗᒃᑖᑦ, ᐃᓄᐃᑦ ᐱᓕᐅᕆᔪᖕᓇᕐᓂᒃᑯᑦ ᐃᓅᓯᖃᕐᓂᐊᕐᓗᑎᒃ ᐃᖕᒥᖕᓂᒃ ᐊᔪᙱᑎᓪᓗᑎᒃ ᐊᒻᒪᓗ ᖃᓄᐃᖏᑦᑎᐊᖅᑐᒥᒃ ᓄᓇᓕᖃᕐᓗᑎᒃ ᓄᓇᕗᓗᒃᑖᕐᒥᑦ.
ᓄᓇᕗᒻᒥᑦ ᐋᓐᓂᐊᖃᖅᑕᐃᓕᒪᔪᓕᕆᔨᒃᑯᑦ ᑐᓂᓯᖃᑦᑕᖅᑐᑦ ᐊᔾᔨᒌᙱᑦᑐᓂᒃ ᑐᕌᖓᔪᓂᒃ ᐊᒻᒪᓗ ᐱᔨᑦᑎᕋᐅᑎᓂᒃ ᓄᓇᕗᒻᒥᐅᑕᓄᑦ, ᐃᓚᐅᑉᓗᑎᒃ:
- ᖃᓂᖏᑦ ᖃᓄᐃᖏᑦᑎᐊᕐᓂᖏᓐᓄᑦ
- ᐋᓐᓂᐊᖅᑖᖅᑕᐃᓕᑎᑦᑎᔪᓂᒃ ᑲᐱᔭᐅᖃᑦᑕᕐᓗᑎᒃ
- ᐋᓐᓂᐊᕐᓇᐃᑦ ᐊᓯᖏᓐᓄᑦ ᑐᓂᔭᐅᔪᖕᓇᖅᑐᓂᒃ
- ᐊᕙᑎᒧᑦ ᐋᓐᓂᐊᖃᖅᑕᐃᓕᒪᓂᕐᒧᑦ
- ᐋᓐᓂᐊᖃᐃᓐᓇᕐᓂᖅ
- ᐋᓐᓂᐊᖃᖅᑕᐃᓕᒪᓂᕐᒥᑦ ᐃᑲᔪᖅᑐᐃᓂᕐᒧᑦ ᐊᒻᒪᓗ ᒥᐊᓂᖅᓯᓂᕐᒧᑦ
- ᖃᐅᔨᓴᐃᕝᕕᖕᒥᑦ ᐱᔨᑦᑎᕋᐅᑎᓂᑦ
- ᐊᔾᔨᓕᐅᕆᔾᔪᑎᑦ
- ᐃᖢᐊᖅᓴᐅᑎᑖᕐᕕᒃ
- ᓄᑕᖅᖃᐃᑦ ᐊᒻᒪᓗ ᖃᑕᙳᑎᒌᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐱᔨᑦᑎᕋᐅᑎᓂᑦ
- ᓂᕿᑦᑎᐊᕙᖕᓂᑦ ᐊᒻᒪᓗ ᓂᕆᔭᐅᔭᕆᐊᓕᖕᓄᑦ ᐱᔨᑦᑎᕋᐅᑎᓂᑦ
- ᖃᓄᐃᑦᑐᖕᓃᖅᐸᓪᓕᐊᑎᑦᑎᓂᕐᒧᑦ ᐱᔨᑦᑎᕋᐅᑎᓂᑦ
- ᐊᖏᕐᕋᒥᑦ ᐃᑲᔪᖃᑦᑕᕐᓂᕐᓂᑦ ᐊᒻᒪᓗ ᑲᒪᓂᕐᒧᑦ ᐱᔨᑦᑎᕋᐅᑎᓂᑦ
- ᐃᓄᓕᕆᓂᕐᒧᑦ ᐱᔨᑦᑎᕋᐅᑎᓂᑦ
- ᑭᑐᑐᐃᓐᓇᐃᑦ ᐋᓐᓂᐊᖃᖅᑕᐃᓕᒪᓂᖏᓐᓄᑦ ᐱᔨᑦᑎᕋᐅᑎᓂᑦ
- ᐃᕐᓂᓱᒃᓰᕝᕕᖕᓄᑦ ᐱᔨᑦᑎᕋᐅᑎᓂᑦ
- ᓄᓇᓕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐃᖢᐊᖅᓴᐃᓂᕐᒧᑦ ᐱᔨᑦᑎᕋᐅᑎᓂᑦ
- ᐋᓐᓂᐊᕐᓇᖅᑖᖅᑕᐃᓕᑎᑦᑎᓂᕐᒧᑦ
- ᑐᓵᓂᕐᒧᑦ ᐊᒻᒪᓗ ᐅᖃᓪᓚᖕᓂᕐᒧᑦ ᐱᓕᕆᐊᓂᑦ
- ᐊᔾᔨᐅᖏᑦᑐᓂᒃ ᐱᔨᑦᑎᕋᐃᓂᕐᓄᑦ
- ᐊᕙᑎᐅᑉ ᖃᓄᐃᖏᑦᑎᐊᕐᓂᖓᓄᑦ ᐱᔨᑦᑎᕋᐅᑏᑦ
- ᐋᓐᓂᐊᓗᐊᖅᑐᓂᒃ ᑲᒪᔭᖃᕐᓂᕐᒥᒃ
- ᐊᓯᐊᓄᑦ ᑐᓂᔾᔪᑎᖃᕐᓂᕐᒧᑦ ᐱᔨᑦᑎᕋᐃᓂᕐᓂᑦ
- ᓄᖅᑲᖓᑎᑕᐅᓚᐅᐱᓪᓚᖕᓂᕐᒧᑦ ᑲᒪᔭᖃᕐᓂᖅ
- ᐱᔭᕆᐊᖃᒻᒪᕆᒃᑐᓄᑦ ᐊᒻᒪᓗ ᑐᐊᕕᓇᖅᑐᓄᑦ ᑲᒪᔭᖃᕐᓂᕐᒧᑦ ᐱᔨᑦᑎᕋᐅᑎᓂᑦ
- ᑐᐊᕕᓇᖅᑐᒃᑯᑦ ᐊᐅᓪᓚᖅᑎᑕᐅᔭᕆᐊᓕᖕᓄᑦ ᐱᔨᑦᑎᕋᐅᑎᓂᑦ
- ᐋᓐᓂᐊᕐᔪᐊᖅᑐᓂᒃ ᐋᓐᓂᐊᕐᕕᖕᒧᐊᖅᑐᓂᒃ ᐊᒻᒪᓗ ᐋᓐᓂᐊᕐᕕᖕᒥᑦ ᐊᓂᔪᓄᑦ ᐱᔨᑦᑎᕋᐅᑎᓂ
ᐱᔨᑦᑎᕋᐅᑏᑦ ᐊᒻᒪᓗ ᑐᕌᖓᔪᑦ ᐱᓕᕆᐊᖑᖃᑦᑕᖅᑐᑦ ᐊᔾᔨᒌᙱᑦᑐᓂᑦ ᐃᓂᐅᔪᓂᑦ ᓄᓇᓕᖕᓂᑦ ᓄᓇᕗᒻᒥᑦ: ᐃᖢᐊᖅᓴᐃᕝᕕᖕᓂᑦ, ᐋᓐᓂᐊᖅᑑᑉ ᐊᖏᕐᕋᖓᓂᑦ, ᓄᓇᓕᐊᓛᓂᑦ, ᓄᓇᓕᖕᒥᑦ ᐊᒻᒪᓗ ᐊᕕᒃᑐᖅᓯᒪᔪᒥᑦ ᐋᓐᓂᐊᕐᕕᖕᓂᑦ ᐊᒻᒪᓗ ᕿᑭᖅᑕᓂᑦ ᐋᓐᓂᐊᓯᐅᕐᕕᖕᒥᑦ, ᐃᖃᓗᖕᓂᑦ.
