Aanniaqtailinikkut Kivgaqtuutit
Nunavunmi Havagviat Aanniaqtailinirmun Inuliqijitlu tunihijut amigaitunik pinahuarutinik kivgaqtuutiniklu hapkunani:
- Hivulliqpaanga Munarhitkunnit
- Aimavingmi, Nunalaani Akunigaalungmiklu Munagidjutikharnik
- Ihumakkut Aanniaqtailinirmun Ipiralainirmunlu Munaridjutit
- Aanniaqtailinirmut Atuliqtitauniq unalu Aanniaqtailinirmut Hapummiutiniq
- Akhuraaluk, Ihuaqhaijut Mamittirvinga Pilakhirvingmilu Munariniq
Havagvik aulahimaaqtumik qiniqhiajut nutaanik uvalu nutaanik qanuq tunihijaangani aanniaqtailinirmun munaridjutit avatiini Nunavutip anginiqhait aalallu aviktuqhimajumi. Telehealth uuktuutigijaujuq nutaanik ajuitaminik atajuq ungahiktuni nunallaani piqaqtut aadlatqiinik aanniaqtailinirmut unalu inungnut pinahuarutit havaangillu ukunuuna qun'ngiarutikkut aanniaqtailinirmut taaktinut ittut tamarmik iluani hilataanilu aviktuqhimajumit.
Havagvik havaqatigivaktait kavamatuqatkunni, haamlatkut, kavamaungittunilu timiqutin munarinikkut pinahuarutinik imaatun Brikhter Futures-kut akhuuqtuq pimmarikharnikkut timikkut, ihumakkut inuuhiringnikkullu Nunavunmiunnun. Kanatami Hingaijunut Nirittiarutikhainut Ikajuutikhaq tunihijut maniktigut ikajuutinik nunallaanun-pihimajut katimajiit kitut tunihijut pinahuarutinik uvalu kivgaqtuutinik qajangnautiqaqtut hingaijanun angnanun. Piqaqtuq aulahimaaqtunik katimajiit havakvingmi havaktut ajuqhautinik imaatun higaangnikkut taimaaqpalianirmun, FASD, inminiiqtailinirmun, ihumakkut kiguhiliqinirmunlu. Aanniaqtailinikkut akhuuqhainikkut ajuittun, imaatun nirittiarnirnik ukunanilu inungnun aanniaqtailinikkut munarhinik, havakpaktun nunallaani akhuurhainikkut aanniaqtailinikkut inuuhiringnikkullu talvuuna iliharnikkut ajuirhimanikkullu tuniqatigiigutikhanik.
Havagumajait
Aturahuaqtinninut, hapummini nakuuhigiarutitlu aanniaqtailiniq inuuhiringniqlu tamainnut Nunavummiut, atuqtinni Inuit Qaujimajatugangit tamainni puqtunit kivgaqtutit hanatjuhit atuqtinnilu.
Tautuktuujaaqtait
Tautuktuujaaqtavut inuuhiqattiarniq tamainun Nunavunmiunun, attautit hivuliqhuqtut nakuujumik inuuhingmik inmikkut-piinangnirmik uvalu aaniangnaitumik nunallaat tamaini aviktuqhimajumi.
Nunavunmi Aanniaqtailinikkut tunihijut amigaitunik pinahuarutinik uvalu kivgaqtuutinik inungnun Nunavunmi, ilaujut:
- Uqarmini aaniaqtailinirmut
- Kapuktaujukharnik
- Hiamittaaktut Aanniarutit
- Avatiliqinikkut Aanniaqtailiniq
- Aularaanginnaqtut Aanniarutit
- Aanniaqtailinirmut atuliqtitauniq pittailiniq
- Naunaijainikkut kivgaqtuutit
- Iksuliirnikkut kivgaqtuutit
- Havautiliqijiit kivgaqtuutit
- Nutaqqat ilamingnillu aanniaqtailinirmut kivgaqtuutit
- Niqiqatialiqijit Kivgaqtuutit
- Mamittiqpallianikkut ikajuqhiqtauvikhat
- Iglumingni ikajuutikhat munarinikkut kivgaqtuutit
- Inuliqijit kivgaqtuutit
- Ihumaliqinikkut Munaqhi kivgaqtuutikhat
- Irniurnikkut kivgaqtuutit
- Nunallaani munarhiliqinirmut kivgaqtuutit
- Aanniarutinun pittailiniq
- Nallaktuliqijut hiutingnik uqauhirnik atuqtuujarnik
- Aallangajun kivgaqtuutit
- Avatimik munaqhinirmik kivgaqtuutikhat
- Aanniarjuaqtunik munaqhijut
- Tautuktaujaangat kivgaqtuutit
- Munarijunut munaqtaujukhat
- Amigaqhuutit qilamiuqtuqaliqqat munariniq kivgaqtuutit
- Medivac kivgaqtuutit
- Aanniaqpaiktut aanniarvingmi unalu aanniarviup ahiani kivgaqtuidjutit
Kivgaqtuutit uvalu ikajuutit tunijaujut aalakiini najugaini tamaini nunallaani Nunavunmi: munaqhiviit, aanniaqtunun, aihimavingni, aulaaqtitiblutik, nunallaat uvalu avikturniini munaqhitkuni uvalu uvani Qikiqtani Aanniarviat Iqalungni.
