Inuuniq

Inuuhiq uvani angijumi, piniqtuq nuna akhuuqhaijuq inmikkut-pijaarnirmik uvalu inmikuuqpalianiq tautuktitibluni qanuq inuuluni qanitumik nunamun. Talvuunalu mikhaatigun, ilihautauniaqtuq inungnun tamainun nunaqaqtunik hamani qanuq munagivakhimajut tamapta qanurlu tamapta akhurnaqtumik ilaugiaqaqtugut talvani nunalaani.

Nunavut aallangatqijaujuq hivuraani Kanatami. Inungnut nuutiqhimajunut Nunavunmut, ajuiqtakhaqaqtut amigaitpiaktunik iliturijakhaqaqtunlu nutaanik atuqtakhamingnik. Nuutpalianiq Nunavunmut pidjutauniaqtut ilanginik angijunik inuuhirmi aalangurninginik aturiaqarniaqturlu ilanginik ihuaqhaqtakhainik, kihiani aituuhiat, aulaarniq, inuuqatiriingnirmik ajungitulu akhuurutinik ihuarniarmata.

Una ilanga qaritaujaliqivingmi piqaqtuq kangiqhidjutinik ikajuutikhat uvaluuniin nutaat havaktit havaakhanun Aanniaqtailinirmun.

Ilitarijauhimajut Uqauhiit

Nunavut piqaqtuq pingahunik ilitarijaujut uqauhingit – Inuit uqauhinga, Qablunaatut unalu Uiviititut – piliuqhimajut uumani Nunavut Ilitarijaujut Uqauhingit Maligaq. Malruuk atuqtauluaqtut qanuriniit Inuit uqauhiit Inuktitut Inuinnaqtunlu.

Inuit uqauhingit tammaqtailijaujuq tuniqhaininnganit uumannga inmikkut Inuit Uqauhinginnik Tammaqtailiniq Maligaq, tunijuq Inuit uqauhingit — unalu Inuktitut unalu Inuinnaqtun — akhuurutaulluaqtuq tammaqtailiniq Kaanataup nunaqaqqaarhimajut uqauhingit. Inuit Uqauhingit Tammaqtailininga Maligaq naunairutiqaqtuq taima kivgaqtuutit tamangni nunalaani nanminiqaqtuniklu havakvingni tunijauvakhimajut Inuit uqauhirnik.

Tamna maligaq naunairutiqaqtuq taima atauhirmik uqauhiqaqtunik Inuinarnik tunijauniaqtun kivgaqtuutit talvani uqauhitigun ihumagijainik. Tamna maligakhaq tunihimaarniaqtuq inungnun tamainun — ilaujut kavamangit, nanminiqaqtunik nunalaani havagviingit — upalungaikhimajukhat tunijaangat Inuit uqauhirnik kivgaqtuutit.

Ikajuutauniaqtuq ilihimajaami qanuq uqariangani Inuktitut uvaluuniin Inuinnaqtun. Ilihalirumaguvin, takujaqturlugu una: Inuktitut Tusaalanga - http://www.tusaalanga.ca/