FAQ

ᑕᒪᓗᒃᑖᕐᓚᒃ ᓇᔭᙳᐊᑦ ᒐᕙᒪᒃᑯᓐᓂᑦ ᐃᑲᔪᖅᑕᐅᓂᖃᖅᑐᒥᑦ ᓱᓇᖃᓗᒃᑖᖅᑐᒥᑦ ᑲᑎᒪᔪᓂᑦ ᐃᒡᓗᖃᖅᑎᑕᐅᖃᑦᑕᖅᑐᑦ. ᑕᖅᕿᑕᒫᒃᑯᑦ ᐊᑭᓕᖅᑐᐃᓂᕐᒧᑦ ᐲᖅᓯᕝᕕᐅᖃᑦᑕᖅᓗᑎᒃ ᐱᓕᕆᔨᐅᑉ ᐊᑭᓕᖅᑕᐅᔾᔪᑎᖓᓂᑦ. ᐊᐱᕆᓗᒍ ᓇᔭᙳᐊᓂᒃ ᐱᓕᕆᔨᑎᑖᖅᑐᖅᑎ ᐃᒡᓗᐃᑦ ᒥᒃᓵᓄᑦ ᓄᓇᓕᖕᒥᑦ ᐃᓐᓄᒃᑕᐅᑎᓯᒪᔪᖃᙱᑦᑐᓂᒃ ᐱᔪᒪᓂᖃᕐᕕᒋᔭᕐᓄᑦ.

ᐊᖏᔪᐊᓘᓂᖓᓄᑦ ᓄᓇᕗᑦ, ᐊᖏᔪᒥᒃ ᐊᔾᔨᒌᙱᓐᓂᖃᕐᔪᐊᖃᑦᑕᖅᑐᑦ ᓯᓚᖏᑦ. ᐅᑭᐅᒃᑯᑦ ᐃᒃᑮᕐᓇᖅᑐᒻᒪᕆᐅᔪᖕᓇᖅᑐᖅ — ᐅᑭᐅᖅᐸᓯᓛᒥᑦ ᐊᐅᓱᐃᑦᑐᖅ ᒥᑭᓛᒥᒃ ᓂᒡᓕᓇᕐᓂᖃᖃᑦᑕᖅᑐᖅ -35ºC-ᒥᑦ (-31ºF) ᐊᒻᒪᓗ ᒥᑭᓛᒃᑯᑦ ᓴᒡᒐᕉᑦᒥᑦ ᐆᓇᕐᓂᖃᖃᑦᑕᖅᖢᓂ 10ºC-ᒥᑦ (50ºF). ᐅᑭᐅᖅᑕᖅᑐᒥᑦ ᐊᐅᔭᖏᑦ ᖃᓄᐃᖏᑦᑐᖕᓇᖅᑐᑦ, ᐆᓇᕐᓂᖓ ᓂᒡᓕᑳᓪᓚᒍᖕᓇᖅᖢᑎᒃ. ᐊᒥᓱᓂᑦ ᓄᓇᓕᖕᓂᑦ, ᐊᐅᔭᒃᑯᑦ ᐅᑉᓘᑉ ᐆᓇᕐᓂᖓ ᑎᑭᑦᑐᖕᓇᖅᑐᖅ 20°C (68°F) ᖁᑦᑎᖕᓂᖅᓴᐅᓗᓂᓘᓐᓃᑦ. ᖃᐅᔨᒋᐊᕐᕕᒋᓗᒍ ᓯᓚᓕᕆᕝᕕᒃ ᖃᕆᓴᐅᔭᒃᑯᑦ ᐆᓇᕐᓂᕐᓂᑦ ᐱᓂᐊᕐᓗᑎᑦ ᓄᓇᓕᖕᒧᑦ ᐃᓱᒪᒋᔭᕐᓄᑦ.

ᖃᓄᐃᓐᓂᐅᔪᑦ ᐊᓯᓗᒃᑖᖏᓐᓂᑦ ᓄᓇᕗᒻᒥᑦ ᐅᓗᕆᐊᓇᖅᑐᙳᕈᖕᓇᖅᑐᑦ ᐊᑕᐅᑦᑎᒃᑰᕋᔭᖅᐸᑕ ᐃᒃᑮᕐᓇᕐᓂᖅ ᐊᒻᒪᓗ ᐊᓄᕆᑐᕐᔪᐊᕐᓗᓂ. ᓄᓇᓕᖕᒥᑦ ᐅᖃᐅᔾᔨᔨᓂᕆᔭᐅᔪᑦ ᐱᔾᔪᑎᖃᖅᑐᓂᒃ ᓯᓚᐅᑉ ᖃᓄᐃᓐᓂᖏᓐᓄᑦ ᒪᓕᒃᑕᐅᑦᑎᐊᕆᐊᖃᖃᑦᑕᖅᑐᑦ. ᐊᐅᔭᒃᑯᑦ ᑕᖅᕿᖏᑦ ᓈᒻᒪᒃᑑᖃᑦᑕᖅᑐᑦ ᐊᒥᓱᓄᑦ ᖃᓄᐃᓕᐅᕐᓂᐅᔪᓄᑦ.

ᓄᓇᕗᒻᒥᑦ, ᐊᑐᖅᑕᐅᔪᑦ ᐅᖃᐅᓰᑦ ᐃᓄᐃᑦ ᐅᖃᐅᓯᖓᐅᔪᑦ (ᐃᓄᒃᑎᑐᑦ ᐊᒻᒪᓗ ᐃᓄᐃᓐᓇᖅᑐᓐ), ᖃᑉᓗᓈᑎᑐᑦ ᐊᒻᒪᓗ ᐅᐃᕝᕕᑎᑐᑦ. 75%-ᓗᐊᖏᑦ ᐃᓄᐃᑦ ᐅᖃᓪᓚᖃᑦᑕᖅᑐᑦ ᐃᓄᒃᑎᑐᑦ ᓯᕗᓪᓕᖅ ᐅᖃᐅᓯᕆᑉᓗᒍ. ᓄᓇᓕᖕᓂᑦ ᖁᕐᓗᖅᑐᕐᒥᑦ ᐊᒻᒪᓗ ᐃᖃᓗᒃᑑᑦᑎᐊᕐᒥᑦ, ᐅᖃᐅᓯᖓᑦ ᑕᐃᔭᐅᔪᖅ ᐃᓄᐃᓐᓇᖅᑐᓐ.

-    ᐃᓄᒃᑐᑦ ᑐᓵᓚᖓ - http://www.tusaalanga.ca/

ᐳᑭᖅᑕᓖᑦ ᒥᐊᓂᖅᓯᓂᕐᒧᑦ ᐱᔨᑦᑎᕋᐃᖃᑦᑕᖅᑐᑦ ᑕᒪᕐᒥᒃ ᓄᓇᓕᓗᒃᑖᓂᑦ. ᐃᓚᖏᑦ ᓄᓇᓖᑦ ᐳᑭᖅᑕᓕᙳᐊᖃᕐᒥᔪᑦ ᒪᓕᒃᑕᐅᑎᑦᑎᖃᑦᑕᖅᑐᑦ ᒪᓕᒐᕋᓛᓂᑦ.

ᓇᓕᑐᐃᓐᓇᖏᑦ ᐋᓐᓂᐊᕐᕕᒃᐳᑦ ᒫᓐᓇᐅᔪᒥᑦ ᐊᑐᖅᑐᖃᖃᑦᑕᙱᑦᑐᑦ ᐅᐃᕖᑦ ᐅᖃᐅᓯᖓᓐᓂᒃ ᐱᓕᕆᓂᕐᒧᑦ. ᑭᓯᐊᓂ, ᐅᐃᕖᑦ ᐊᑐᖅᑕᐅᔪᖅ ᐅᖃᐅᓯᖅ ᐊᒻᒪᓗ ᐃᑲᔫᑕᐅᖃᑦᑕᖅᑐᖅ

ᓄᓇᕗᒻᒥ ᐱᖓᓱᓂᒃ ᐊᑐᖅᑕᐅᔪᓂᒃ ᐅᖃᐅᓯᖃᖅᑐᖅ - ᐃᓄᐃᑦ ᐅᖃᐅᓯᖓᑦ (ᐊᑐᖅᑕᐅᒐᔪᓛᖑᔪᑦ ᐃᓄᒃᑎᑐᑦ ᐊᒻᒪᓗ ᐃᓄᐃᓐᓇᖅᑐᓐ), ᖃᑉᓗᓈᑎᑐᑦ ᐊᒻᒪᓗ ᐅᐃᕖᑎᑐᑦ. ᐃᒪᓐᓇᐅᔪᖅ, ᐋᓐᓂᐊᖃᖅᑕᐃᓕᒪᓂᕐᒧᑦ ᐱᔨᑦᑎᕋᐅᑏᑦ ᑐᓂᔭᐅᖃᑦᑕᖅᑐᑦ ᖃᑉᓗᓈᑎᑐᑦ ᐊᒻᒪᓗ ᐃᓄᒃᑎᑑᓕᕆᓂᕐᒧᑦ ᐱᔨᑦᑎᕋᐅᑎᖃᖅᖢᑎᒃ ᐃᓄᒃᑎᑐᑦ ᑲᒪᒋᔭᐅᔪᒪᔪᓄᑦ ᐅᕝᕙᓘᓐᓃᑦ ᐅᐃᕖᑎᑐᑦ.

ᐱᖓᓱᓂᒃ ᐃᓂᓕᐅᖅᓯᒪᔪᑦ ᓄᓇᓖᑦ ᓄᓇᕗᒻᒥᑦ ᐃᒥᐊᓗᐃᑦ ᐱᔭᐅᓯᒪᔪᖕᓇᕐᓂᖏᓐᓄᑦ ᐊᒻᒪᓗ ᐃᒥᖅᑕᐅᓂᐊᕐᓗᑎᒃ. ᓄᓇᓖᑦ ᐃᓚᖏᓐᓂᑦ ᐃᒥᐊᓗᒃᑕᖃᖅᑕᐃᓕᔪᑦ, ᓄᓇᓖᑦ ᑭᒡᓕᖃᖅᑎᑕᐅᔪᓄᑦ ᐱᔪᖕᓇᖅᑎᑕᐅᖃᑦᑕᖅᑐᑦ ᓄᓇᓕᖕᒥᑦ ᐃᒥᐊᓗᐃᑦ ᒥᒃᓵᓄᑦ ᑲᑎᒪᔨᕋᓛᓄᑦ, ᐊᒻᒪᓗ ᑭᒡᓕᖃᙱᑦᑐᓄᑦ ᓄᓇᓕᖕᓂᑦ ᐃᒥᐊᓗᖕᓂᑦ ᓂᐅᕕᕈᖕᓇᕐᓗᑎᒃ ᐊᒻᒪᓗ ᐊᑐᖅᑕᐅᓂᖓ ᒪᓕᖃᑦᑕᖅᑐᑦ ᓄᓇᕗᒻᒥᑦ ᐃᒥᐊᓗᖕᓂᑦ ᐊᐅᓚᑦᑎᓂᕐᒧᑦ ᐱᖁᔭᕐᒧᑦ. ᓄᓇᓕᒃ ᐃᓂᖃᖅᑎᑕᐅᔪᖅ ᓄᓇᓕᖕᒥᐅᓄᑦ ᓂᕈᐊᖅᑕᐅᖃᑦᑕᖅᑐᑦ.

ᒐᕙᒪᒃᑯᓐᓄᑦ ᐊᐅᓚᑕᐅᔪᒥᒃ ᐅᐊᐃᓂᓂᒃ ᐊᒻᒪᓗ ᐱᐊᓂᒃ ᓂᐅᕕᕐᕕᒃᑕᖃᖅᑐᖅ ᐃᖃᓗᖕᓂᑦ. ᐃᒥᐊᓗᐃᑦ ᓇᖕᒥᓂᕐᒧᑦ ᓂᐅᖅᖃᖅᑕᐅᓂᐊᖅᑐᑦ ᑎᑭᓴᖅᑕᐅᔭᕆᐊᖃᖃᑦᑕᖅᑐᑦ ᓄᓇᕗᒻᒥ ᐃᒥᐊᓗᓕᕆᔨᒃᑯᓐᓂᑦ ᐅᕝᕙᓘᓐᓃᑦ ᑎᑭᑎᑕᐅᓗᑎᒃ ᐱᔪᖕᓇᖅᑎᑦᑎᔾᔪᑎᒃᑯᑦ ᐳᒥᑦᑯᑦ.

ᓚᐃᓴᖃᖅᑐᓂᒃ ᐱᖃᖅᑐᖅ ᐃᖃᓗᖕᓂᑦ, ᑲᖏᖅᖠᓂᕐᒥᑦ ᐊᒻᒪᓗ ᐃᖃᓗᒃᑑᑦᑎᐊᕐᒥᑦ.

ᐊᑉᖁᑎᑕᖃᙱᑦᑐᑦ ᑲᑎᓐᓂᖃᖅᑐᓂᒃ ᓄᓇᕗᒻᒥ ᓄᓇᓕᖕᓂᑦ ᖃᑉᓗᓈᓄᑦ ᑲᓇᑕᒥᑦ. ᓄᓇᒃᑰᕈᑏᑦ ᑎᑭᑎᑕᐅᔪᖕᓇᖅᑐᑦ ᑕᒪᕐᒥᓗᒃᑖᕐᓚᒃ ᓄᓇᓕᖕᓄᑦ ᐊᐅᔭᒃᑯᑦ ᐅᒥᐊᕐᔪᐊᒃᑯᑦ. ᑕᒪᕐᒥᓗᒃᑖᕐᓚᐃᑦ ᐃᓄᐃᑦ ᒥᑭᓂᖅᓴᓂᑦ ᓄᓇᓕᖕᓂᑦ ᓄᓇᒃᑰᕈᑎᖃᙱᑦᑐᑦ ᐅᕝᕙᓘᓐᓃᑦ ᐊᖏᓂᖅᓴᓂᒃ ᓄᓇᒃᑰᕈᑎᓂᑦ ᑭᓯᐊᓂ ᐊᒥᓱᐃᑦ ᓄᓇᓕᖕᒥᐅᑕᐃᑦ ᓯᑭᑑᖃᖅᑐᑦ ᐅᕝᕙᓘᓐᓃᑦ ᕼᐋᓐᑕᓂᒃ ᑕᒪᐃᓐᓂᓪᓘᓐᓃᑦ. ᐊᖏᓂᖅᓴᓂᑦ ᓲᕐᓗ ᐃᖃᓗᖕᓂᑦ ᐊᒻᒪᓗ ᑲᖏᖅᖠᓂᕐᒥᑦ ᐊᒥᓱᐃᑦ ᐃᓄᐃᑦ ᓇᖕᒥᓂᖅ ᓄᓇᒃᑰᕈᑎᖃᖅᑐᑦ.

ᐱᐊᓚᔪᒥᒃ ᖃᕆᑕᐅᔭᒃᑰᕈᖕᓇᐅᑏᑦ (ᓴᕕᒐᐅᔭᖃᙱᑦᑐᑦ) ᒪᓂᒪᔪᑦ ᑕᒪᕐᒥᓗᒃᑖᖅ ᓄᓇᓕᖕᓂᑦ ᓄᓇᓕᖕᒥᑦ ᐱᔨᑦᑎᕋᐃᖃᑦᑕᖅᑐᒃᑯᑦ.

ᑕᓚᕕᓴᓂᒃ ᑕᐅᑐᒃᑕᐅᓲᓂᒃ ᒪᓂᒪᔪᖃᖅᑐᖅ ᑕᒪᕐᒥᓗᒃᑖᖅ ᓄᓇᓕᖕᓂᑦ ᓄᓇᓕᖕᒥᑦ ᐱᔨᑦᑎᕋᐅᑎᖃᖅᑐᓂᑦ.

ᐊᖏᓂᖅᓴᓂᑦ ᓄᓇᓕᖕᓂᑦ ᓲᕐᓗ ᐃᖃᓗᐃᑦ ᑕᕐᕆᔭᕐᕕᖃᖅᑐᖅ, ᕿᑎᒃᑐᖃᐅᖃᑦᑕᖅᑐᖅ, ᓄᓇᓕᖕᒥᑦ ᑕᐅᑐᕋᓐᓈᖅᑎᑦᑎᔪᓂᒃ, ᑎᑕᒃᑎᓂᒃ ᑕᑯᔭᒃᓴᖃᖃᑦᑕᖅᑐᑦ, ᐊᔾᔨᐅᖏᑦᑐᑦ ᐱᔭᐅᔪᒪᔪᓂᒃ ᑲᑐᔾᔨᖃᑎᒌᓂᑦ ᐊᒻᒪᓗ ᐃᒥᐊᓗᒡᕕᖕᓂᑦ ᑕᐅᑐᕋᓐᓈᒐᒃᓴᖃᖅᑎᑦᑎᔪᓂᒃ. ᑭᓯᐊᓂ, ᑕᒪᕐᒥᓗᒃᑖᕐᓚᒃ ᓄᓇᕗᒻᒥᐅᑕᐃᑦ ᓇᖕᒥᓂᖅ ᖁᕕᐊᓱᒃᑎᑦᑎᓗᑎᒃ ᐅᓐᓄᒍᒥᑕᖅᑎᑦᑎᓂᕐᒥᑦ ᐱᖃᑦᑕᖅᑐᑦ , ᕿᑎᒃᑕᐅᓂᐊᖅᑐᓂᒃ ᐅᓐᓄᒃᑯᑦ ᐊᒻᒪᓗ ᐊᖏᕐᕋᖏᓐᓂᑦ ᖃᓄᐃᓕᐅᖅᑎᑦᑎᑉᓗᑎᒃ.

ᒥᑭᓂᖅᓴᓂᑦ ᓄᓇᓕᖕᓂᑦ ᕿᑎᒃᑎᑦᑎᓃᑦ ᑕᐃᒪᐅᒐᔪᒃᑐᑦ ᐊᒻᒪᓗ ᓄᓇᓕᖕᒥᑦ ᓂᕆᕕᒡᔪᐊᖅᑎᑦᑎᓃᑦ ᐊᔾᔨᐅᖏᑦᑐᓂᑦ ᐅᑉᓗᕐᓂᑦ. ᑕᒪᕐᒥᒃ ᓄᓇᓖᑦ ᕿᑎᒡᕕᖃᖅᑐᑦ. ᑕᒪᓗᒃᑖᕐᓚᒃ ᐱᖃᐃᓕᓴᕐᕕᖃᖅᑐᑦ ᐃᓕᓐᓂᐊᕐᕕᖏᓐᓂᑦ ᐊᒻᒪᓗ ᕼᐋᑭᕝᕕᖃᖅᑐᑦ. ᐊᖏᓂᖅᓴᓂᑦ ᓄᓇᓕᖕᓂᑦ ᑎᒥᒧᑦ ᐱᖃᐃᓕᓴᕐᕕᖃᖅᑐᑦ ᐊᓯᖏᓐᓂᓪᓗ ᐊᑐᖅᑕᐅᖃᑦᑕᖅᑐᓂᒃ.

ᓯᓚᒥᑦ ᖁᕕᐊᒋᔭᐅᔪᓂᑦ ᐃᓚᐅᔪᑦ ᐃᖃᓗᒃᓯᐅᕐᓃᑦ, ᒪᖃᐃᓐᓃᑦ ᐊᒻᒪᓗ ᐱᓱᓗᖕᓃᑦ.

ᐱᖓᓱᐃᑦ ᓄᓇᓖᑦ ᓄᓇᕗᒻᒥ ᑮᓇᐅᔭᒃᑯᕕᖃᖅᑐᑦ. CIBC ᐱᖃᖅᑐᖅ ᐃᖃᓗᖕᓂᑦ ᐊᒻᒪᓗ ᑲᖏᖅᖠᓂᕐᒥᑦ. RBC ᐱᖃᖅᑐᖅ ᐃᖃᓗᖕᓂᑦ ᐊᒻᒪᓗ ᑲᖏᖅᖠᓂᕐᒥᑦ ᐊᒻᒪᓗ ᐃᖃᓗᒃᑑᑦᑎᐊᕐᒥᑦ. ᑕᒪᕐᒥᓗᒃᑖᕐᓚᐃᑦ ᓄᓇᓖᑦ ᑮᓇᐅᔭᓂᒃ ᐊᒧᓯᕝᕕᖃᖅᑐᑦ ᓂᐅᕕᖅᑎᓂᑦ ᐊᒻᒪᓗ ᑯᐊᐸᒃᑯᓐᓂᑦ. ᑮᓇᐅᔭᒃᑯᕕᖕᒥᑦ ᐱᔾᔪᔾᔭᐅᖃᑦᑕᖅᑐᑦ ᓄᓇᓕᖕᓂᑦ ᑮᓇᐅᔭᒃᑯᕕᖃᙱᑦᑐᓄᑦ ᐅᖃᓗᑎᒃᑰᖃᑦᑕᖅᑐᑦ ᐅᕝᕙᓘᓐᓃᑦ ᖃᕆᑕᐅᔭᒃᑰᕈᖕᓇᐅᑎᒃᑯᑦ. ᐊᒥᓱᐃᑦ ᓄᓇᓕᖕᒥᐅᑕᐃᑦ ᑮᓇᐅᔭᒃᑯᕕᖕᓂᑦ ᑐᖅᖁᖅᓯᓯᒪᕝᕕᖃᖅᑐᑦ ᓯᓚᑖᓂᑦ ᓄᓇᕗᒻᒥᑦ ᐊᔪᙱᑎᑦᑎᑉᓗᑎᒃ ᐊᑯᓂᐅᔪᓂᒃ ᑮᓇᐅᔭᒃᑯᕕᓕᕆᔪᖕᓇᕐᓂᕐᒧᑦ.

ᑕᒪᕐᒥᒃ ᓄᓇᓖᑦ ᑎᑎᖅᖃᓕᕆᕝᕕᖃᖅᑐᑦ. ᐊᖏᕐᕋᒧᑦ ᐊᒡᔭᖅᑐᐃᔨᑕᖃᖅᐸᑦ? ᐃᑲᕐᕋᐃᑦ ᐱᔨᑦᑎᖅᑕᐅᓂᕐᒧᑦ ᐊᔾᔨᒌᙱᑦᑐᖕᓇᖅᑐᑦ ᓄᓇᓕᒃ ᒪᓕᒡᓗᒍ. ᑕᒪᕐᒥᓗᒃᑖᖅ ᑎᑎᖅᖃᐃᑦ ᑎᖕᒥᓲᒃᑯᑦ ᑎᑭᑎᑕᐅᖃᑦᑕᖅᑐᑦ.

ᐊᑐᕐᓂᐊᖅᑐᖅ ᓇᓂ ᓄᓇᖃᕐᕕᒋᔭᕐᓂᑦ. ᖁᑦᑎᒃᑐᒥᑦ, ᓄᓇᓖᑦ ᖃᐅᓱᐃᑦᑐᖅ 24 ᐃᑲᕐᕋᓂᑦ ᑖᖏᓐᓇᖃᑦᑕᖅᑐᖅ ᐱᖓᓱᑦ ᑕᖅᕿᓄᑦ ᐱᒋᐊᕐᓗᓂ ᑲᑕᒑᕆᕝᕕᒃ 6-ᒥᑦ ᐊᕗᓐᓂᕕᒃ 5-ᒧᑦ. ᐊᓯᖏᑦ, ᑲᖏᖅᖠᓂᕐᒥᑦ, ᐱᖓᓱᐃᑦ ᐃᑲᕐᕋᓪᓗᐊᓂᒃ ᖃᐅᒪᓂᖃᖃᑦᑕᖅᑐᖅ ᐅᑭᐅᒃᑯᑦ. ᓲᖃᐃᒻᒪ ᓄᓇᕗᒻᒥᑦ, ᑖᖅᑐᑦ ᐅᑉᓗᐃᑦ ᐃᑲᔪᐃᓂᖃᖅᑐᓂᒃ ᐱᑕᖃᖅᑎᑦᑎᔪᑦ. ᐱᑦᑕᐅᑦᑎᐊᖅᑐᑦ ᐊᖅᓴᓕᑦᔮᑦ, ᖃᐅᒻᒪᒃᑎᑦᑎᖃᑦᑕᖅᑐᑦ ᕿᓚᖕᒥᑦ. ᐃᓚᖏᑦ ᐃᓄᐃᑦ ᑕᑯᔭᖅᑐᐃᖃᑦᑕᖅᑐᑦ ᐅᑭᐅᒃᑯᑦ ᑕᑯᔪᒪᑉᓗᒋᑦ ᐱᑦᑕᐅᑦᑎᐊᖅᑐᑦ ᑕᑯᒃᓴᐅᓲᓂᒃ.

ᐸᐃᕆᕝᕖᑦ ᒪᓂᒪᔪᑦ ᑕᒪᓗᒃᑖᕐᓚᒃ ᓄᓇᓕᖕᓂᑦ. ᑭᓯᐊᓂ, ᐅᑕᖅᕿᔭᕆᐊᖃᑐᐃᓐᓇᕆᐊᓖᑦ ᐸᐃᕆᕝᕕᖕᓄᑦ ᐃᓚᖏᓐᓂᑦ ᓄᓇᓕᖕᓂᑦ. ᐊᐱᕆᓗᒍ ᓇᔭᙳᐊᓂᒃ ᐱᓕᕆᔨᑖᖅᑐᖅᑎ ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑦ.

ᐃᖃᓗᐃᑦ ᐅᐃᕖᑎᑐᑦ ᐅᖃᐅᓯᕐᒥᒃ ᐃᓕᓐᓂᐊᖅᑎᑦᑎᖃᑦᑕᖅᑐᑦ ᐃᓕᓐᓂᐊᓕᓵᖅᑐᓂᑦ ᖁᑦᑎᖕᓂᓖᑦ 9-ᒧᑦ. ᐃᓕᓐᓂᐊᕐᓂᖅ ᐅᐃᕖᑦ ᐅᖃᐅᓯᖓᓂᑦ ᒪᓂᒪᙱᑦᑐᖅ ᐊᓯᖏᓐᓂᑦ ᓄᓇᕗᒻᒥᑦ ᓄᓇᓕᖕᓂᑦ.

ᑕᒪᓗᒃᑖᕐᓚᒃ ᓄᓇᕗᒻᒥ ᓄᓇᓖᑦ ᐃᓕᓐᓂᐊᕐᕕᖃᖅᑐᑦ ᐃᓕᓐᓂᐊᓕᓵᖅᑐᓂᑦ ᐱᒋᐊᕐᓗᑎᒃ ᖁᑦᑎᖕᓂᓖᑦ 12-ᒧᑦ ᑎᑭᓪᓗᑎᒃ. ᒥᑭᓂᖅᓴᓂᒃ ᓄᓇᓕᖕᓂᑦ ᐱᓱᒡᓗᓂ ᐱᔨᑦᑎᕋᐃᕝᕖᑦ ᑎᑭᑕᒃᓴᐅᔪᑦ, ᐃᓚᐅᑉᓗᑎᒃ ᐋᓐᓂᐊᕐᕖᑦ. ᐊᖏᓂᖅᓴᓂᑦ ᓄᓇᓕᖕᓂᑦ, ᐃᓕᓐᓂᐊᖅᑏᑦ ᐃᓕᓐᓂᐊᕐᕕᖕᒧᙵᐅᖃᑦᑕᖅᑐᑦ ᐸᓯᒃᑯᑦ ᐊᖏᕐᕋᖏᓐᓂᑦ ᐊᒻᒪᓗ ᐅᑎᒧᑦ ᖃᐅᑕᒫᒃᑯᑦ. ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑦ ᐃᓕᓐᓂᐊᕐᕖᑦ ᒥᒃᓵᓄᑦ ᓄᓇᓕᖕᒧᑦ ᐊᐱᕆᓗᒍ ᓇᔭᙳᐊᓂᒃ ᐱᓕᕆᔨᑎᑖᖅᑐᖅᑎ ᓄᓇᓕᖕᒥᑦ ᐃᓕᓐᓂᐊᕐᕕᖕᒧᑦ ᖃᐅᔨᒋᐊᕐᕕᓂᐊᕐᓗᓂ ᑐᑭᓯᐅᒪᔾᔪᑎᖏᓐᓂᑦ ᐱᔪᒪᓗᑎᑦ.

ᒪᓂᒪᔪᑦ ᐱᓕᕆᐊᒃᓴᐃᑦ ᐊᔾᔨᒌᙱᑦᑐᑦ ᐊᖏᑎᒋᓂᖓᑕ ᓄᓇᓕᐅᑉ ᒪᓕᒃᖢᒍ. ᐊᖏᓂᖅᓴᐃᑦ ᓄᓇᓕᖕᓄᑦ ᐊᒥᓲᓂᖅᓴᓂᒃ ᐱᓕᕆᐊᒃᓴᖃᐅᖅᑐᑦ, ᐊᖏᓂᖅᓴᓂᒃ ᐊᔾᔨᒌᙱᑦᑐᓂᒃ ᐊᔪᙱᓐᓂᖃᕆᐊᖃᕐᓗᑎᒃ. ᐱᓕᕆᐊᒃᓴᐃᑦ ᐃᓕᓐᓂᐊᖅᑎᑦᑎᔨᓄᑦ, ᐃᓚᒋᔭᐅᔪᓄᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᔪᙱᓐᓂᖃᖅᑐᓄᑦ ᐊᒻᒪᓗ ᐱᓕᕆᐊᕐᒥᑦ ᐱᓕᕆᐊᓕᖕᓄᑦ ᒪᓂᒪᒐᔪᒃᑐᑦ. ᖃᐅᔨᒋᐊᕐᓗᒋᑦ ᓄᓇᕗᒻᒥ ᒐᕙᒪᒃᑯᑦ ᒫᓐᓇᐅᔪᖅ ᐱᓕᕆᐊᒃᓴᐃᑦ ᐃᓐᓄᒃᑕᐅᓯᒪᙱᑦᑐᖏᑦᑐᑦ ᐅᕝᕙᓘᓐᓃᑦ ᓴᖅᕿᔮᖅᑎᑕᖏᑦ ᐱᓕᕆᐊᒃᓴᐃᑦ ᓇᕿᓪᓗᒍ ᐊᑖᓃᑦᑐᖅ ᑕᐃᑯᙵᕈᑎ.

http://www.gov.nu.ca/hr/site/jobs/index.shtml

http://www.nunatsiaq.com/CurentAds/jobs.html

ᓄᓇᕗᑦ ᐅᒃᑯᐃᖓᔪᖃᐅᖅᑐᖅ ᐱᓕᕇᓐᓇᐅᔭᕐᓂᐊᖅᑐᓄᑦ ᐊᒻᒪᓗ ᐃᓇᖐᖃᑦᑕᕐᓂᐊᖅᑐᓄᑦ ᓇᔭᙳᐊᓄᑦ. ᓴᖅᕿᑎᑕᐅᓯᒪᔪᑦ “ᖃᓄᖅ ᐊᑯᓂᐅᑎᒋᔪᒧᑦ” ᐃᓂᐅᔪᒧᑦ, ᑐᑭᓯᐅᒪᔾᔪᑏᑦ ᐃᓚᐅᑎᑕᐅᓂᐊᖅᑐᑦ ᐊᑕᐅᓯᕐᒧᑦ ᐱᓕᕆᐊᒃᓴᓄᑦ ᓴᖅᕿᔮᖅᑎᑕᐅᔪᒧᑦ. ᖃᑉᓯᐅᓂᖏᑦ ᑕᖅᖀᑦ ᐅᕝᕙᓘᓐᓃᑦ ᐅᑭᐅᓄᑦ ᐅᖃᖅᓯᒪᓂᐊᖅᑐᑦ.