ᐊᑐᐃᓐᓇᐅᔪᑦ ᐃᑲᔪᖅᑐᖅᑕᐅᓂᕐᒧᑦ ᓄᑖᓄᑦ ᐃᖅᑲᓇᐃᔭᖅᑎᑖᖑᔪᓄᑦ
ᐃᑲᔪᖅᓱᐃᓂᖅ ᐃᖅᑲᓇᐃᔭᖅᑎᑖᓵᓄᑦ ᐃᖅᑲᓇᐃᔭᖅᑎᓄᑦ
- ᐊᐱᖅᓱᖅᑕᐅᕌᓂᒃᐸᑕ, ᐃᖅᑲᓇᐃᔭᖅᑎᑖᓵᑦ ᓇᖕᒥᓂᖅ−ᖃᐅᔨᓴᖃᑦᑕᕐᓂᐊᖅᐳᑦ ᐃᓕᓐᓂᐊᖅᑕᐅᔭᕆᐊᓕᖕᓂᒃ ᑭᖑᓂᐊᒍᓪᓗ ᑲᑎᓪᓗᑎᒃ ᑐᙵᓱᒃᑎᑦᑎᓗᑎᒡᓗ ᐃᖢᐊᖅᓴᐃᔨᑦ ᐃᓕᓴᐃᔨᖓᓂᒃ. ᑕᐃᑲᓂ ᑲᑎᒪᓂᕐᒥ ᐃᓕᓴᐃᔨ ᕿᒥᕐᕈᓂᐊᖅᑐᖅ ᐃᖅᑲᓇᐃᔮᖓᓂᒃ ᐊᖏᓂᖓᓂᒃᓗ ᐊᑐᕋᓱᒃᐸᒃᑕᕐᓂ ᖃᐅᔨᓗᒋᓪᓗ ᓯᕗᓪᓕᐅᔾᔭᐅᔭᕆᐊᓕᑦ ᐱᓕᒻᒪᒃᓴᓂᕐᒧᑦ ᐋᖅᑭᒃᑕᐅᔪᑦ ᐱᔭᕆᐊᖃᖅᑕᕐᓄᑦ ᐊᑐᕐᓂᑯᖕᓄᓪᓗ.
- ᐱᒋᐊᓚᐅᖏᓐᓂᕐᓂᑦ ᓯᕗᓪᓕᖅᐹᒥᑦ ᐅᓪᓗᕐᒥᑦ ᐃᖅᑲᓇᐃᔭᓕᕋᑖᖅᑎᓪᓗᑎᑦ, ᐃᖢᐊᖅᓴᐃᔨ ᐃᓕᓐᓂᐊᑎᑦᑎᔨᒥᑦ ᑲᑎᒪᑎᑦᑎᓂᐊᖅᑐᖅ. ᑲᑎᒪᑎᓪᓗᒋᑦ, ᐃᓕᓴᐃᔨ ᕿᒥᕐᕈᓂᐊᖅᐳᖅ ᐊᒃᑐᐊᓂᓕᖕᓂᒃ ᐃᑲᔫᑎᒃᓴᓂᒃ; ᓇᑭᑦ ᓇᓂᓯᔪᓐᓇᕐᒪᖔᑦ ᐊᑐᐊᒐᓂᑦ ᐊᑐᖅᑕᐅᔾᔪᓯᕐᓂᒡᓗ; ᐃᓕᓐᓂᐊᕐᕕᑦᑕ ᖃᓄᐃᓕᖓᓂᖓᓂᒃ ᕿᓂᕐᓂᖅ; ᐊᓯᖏᓪᓗ.
- ᓯᕗᓪᓕᖅᐹᒥ ᐃᖅᑲᓇᐃᔭᓕᓵᖅᑎᓪᓗᑎᑦ, ᖃᐅᔨᒪᓕᖅᑎᑕᐅᒃᑲᓐᓂᕐᓃᑦ ᐃᓚᖃᕐᓂᐊᖅᐳᖅ ᐋᖅᑭᒃᑕᐅᓯᒪᔪᒥᒃ ᐱᓕᕆᔨᒥᒃ ᐃᓱᒪᒋᔭᐅᓂᐊᖅᖢᑎᑦ ᐊᖓᔪᒃᖡᑦ ᓈᓴᐅᑎᖃᕐᓂᖓᓂᒃ ᐃᑲᔪᖅᑐᐃᓂᐊᕐᓗᑎᑦ ᓅᑉᐸᓪᓕᐊᓂᕆᔭᕐᓂᒃ ᐃᖅᑲᓇᐃᔮᕐᓄᑦ. ᐃᓚᒋᓪᓗᓂᐅᒃ ᓄᑖᖅ ᐃᖅᑲᓇᐃᔭᓕᖅᑎᑦᑎᓂᕐᒧᑦ ᐱᓕᒻᒪᒃᓴᕐᓂᕐᓂ, ᐱᔭᕇᖅᓯᓂᐊᕆᕗᑎᑦ 'ᐃᖢᐊᖅᓴᐃᔨᑦ ᐃᓚᐅᑎᑕᐅᓂᖏᓐᓂᒃ' ᑐᑭᓯᑎᑕᐅᕚᓪᓕᕐᓂᕐᒥᒃ, ᓇᖕᒥᓂᖅ ᑐᕌᖅᑎᑕᐅᔪᖅ ᐊᒻᒪ ᐃᓕᑦᑎᓂᕐᒧᑦ ᐊᐅᓚᑦᑎᔾᔪᑎᑦᑎᓐᓂ.
- ᐃᑲᔪᖅᑕᐅᖏᓐᓇᕐᓂᖅ ᑲᔪᓯᔪᖅ ᐅᖓᑖᓄᑦ ᐱᒋᐊᕐᓂᖓᓂᑦ. ᐊᑐᐃᓐᓇᐅᑎᑦᓯᔪᒍᑦ 'ᑲᑎᖃᑎᖃᕐᓂᕐᒥᑦ ᐃᓕᓐᓂᐊᑎᑦᓯᔨᓂᑦ ᐱᔨᑦᓯᕋᕐᓂᕐᒥᑦ', ᒪᑐᐃᖓᔪᒥᑦ ᐃᓂᒃᓴᓕᐅᕐᓂᕐᒧᑦ ᑲᑎᒪᖃᑎᖃᕐᓂᕐᒥᑦ ᐋᓐᓂᐊᓯᐅᖅᑎᓄᑦ ᐃᓕᓐᓂᐊᑎᑦᓯᔨᒥᑦ ᐊᑐᐃᓐᓇᐅᔪᖅ ᐃᓘᓐᓇᖏᓐᓄᑦ ᐋᓐᓂᐊᓯᐅᖅᑎᓄᑦ ᐃᖅᑲᓇᐃᔭᖅᑎᓄᑦ ᐃᑲᔪᕐᓂᕐᒥᑦ ᐊᐱᖅᑯᑎᓂᑦ ᐊᑐᐊᒐᕐᓂᑦ ᐱᓕᕆᔾᔪᓯᕐᓂᓪᓗ; ᕿᒥᕐᕈᕙᒡᓗᓂ ᐱᓕᕆᐊᒃᓴᓂᒃ ᑲᒪᒋᔭᒃᓴᓂᒡᓗ; ᐅᖃᐅᓯᖃᕐᓂᕐᒥᑦ ᐋᓐᓂᐊᖅᑐᓕᕆᓂᕐᒧᑦ ᖃᓄᐃᓕᖓᓂᐅᔪᓂᑦ; ᕿᒥᕐᕈᕙᒡᓗᓂ ᐱᓕᒻᒪᒃᓴᕐᓂᕐᒥᒃ ᐊᒻᒪ ᐃᓕᓐᓂᐊᕈᑎᒃᓴᓂᒃ ᐊᑐᐃᓐᓇᐅᔪᓂᒃ; ᐊᓯᖏᓪᓗ.
