• English
  • Français
  • Inuinnaqtun
Photo

ᐊᐅᔭᒃᑯᑦ ᓄᓇᕗᒻᒥ ᐋᓐᓂᐊᓯᐅᖅᑎ ᑲᔾᔮᕆᐊᖅᑐᕐᕕᖃᖃᑦᑕᖅᑐᖅ ᐱᖃᓗᔭᕐᓄᑦ ᕿᑭᖅᑕᕐᔪᐊᒥ ᐅᓐᓄᐊᒃᑯᑦ ᓯᕿᓐᓂᑎᓪᓗᒍ.

ᐃᓅᓯᖅ

ᐃᓅᓯᖅ ᑕᒫᓂ ᓯᐊᖕᒪᓕᖓᔪᐊᓗᒻᒥ, ᑲᔾᔮᓇᖅᑐᕐᔪᐊᕌᓗᒻᒥ ᓄᓈᐱᖕᒥ ᓴᖅᑭᑎᑦᓯᔪᓐᓇᖅᑐᖅ ᐃᓅᑉ ᓇᖕᒥᓂᖅ-ᒪᑭᒪᔾᔪᑎᖏᓐᓂᒃ ᐊᒻᒪᓗ ᐱᔪᓐᓇᕐᓂᖏᓐᓂᒃ ᑕᑯᑦᓴᐅᑎᑦᓯᓪᓗᑎᒃ ᐃᓅᖃᑎᖃᕈᓐᓇᓂᕐᒥᒃ ᐊᑕᐅᓯᐅᖃᑎᖃᕈᓐᓇᑦᓯᐊᕐᓗᓂ ᓄᓇᒥᒃ. ᑕᒪᓐᓇᐅᑎᓪᓗᒍ ᓱᓕᑦᑕᐅᖅ ᑐᑭᓯᔾᔪᑕᐅᔪᓐᓇᖅᑐᖅ ᐃᓘᓐᓇᖏᓐᓂᒃ ᑕᒫᓂᒥᐅᓂᒃ ᑕᑎᖃᐃᓐᓇᕆᐊᖃᕐᓂᑎᓐᓂᒃ ᐃᓅᖃᑎᑦᑎᓐᓂᒃ ᐊᒻᒪᓗ ᖃᓄᖅ ᐅᕙᒍᑦ ᑕᒪᑦᑕ ᐊᓐᓂᕆᔭᐅᓂᑦᑎᓐᓂᒃ ᓄᓇᖅᑲᑕᐅᓂᑦᑎᓄᑦ ᓄᓇᑦᑎᓐᓂ ᐊᖏᕐᕋᖃᕐᕕᒋᔭᑦᑎᓐᓂ.

ᓄᓇᕗᑦ ᖃᓪᓗᓈᓂᑑᓐᖏᒻᒪᑦ ᑲᓇᑕᒥ. ᑕᐃᒃᑯᐊᓕᒫᑦ ᓄᒃᑎᖅᑐᑦ ᓄᓇᕗᒻᒧᑦ ᖃᐅᔨᕙᓪᓕᐊᖏᓐᓇᕆᐊᓖᑦ. ᓄᒃᑎᕐᓂᖅ ᓄᓇᕗᒻᒧᑦ ᓲᔪᕆᓐᓇᑐᒻᒪᕆᐊᓗᒻᒥᒃ ᓴᖅᑭᕈᑕᐅᖃᑦᑕᓲᖑᔪᖅ ᐃᓅᓯᕐᒧᑦ ᐊᓯᔾᔨᕈᑕᐅᔪᓂᒃ ᐊᒻᒪᓗ ᓱᖏᐅᑎᕙᓪᓕᐊᓇᓱᐊᕆᐊᖃᕐᓂᕐᒥᓪᓗ ᐊᒻᒪᓗ ᐊᔪᓐᖏᑦᓯᐊᕆᐊᖃᕐᓂᕐᒥ ᐱᔭᕐᓂᖏᑦᑐᓂᒃ ᑕᒪᒃᑯᐊ ᑐᓂᔭᐅᓯᒪᔾᔪᑕᐅᒻᒪᕆᒻᒪᑕ ᐊᑐᕐᓂᓖᓐᓇᐅᓪᓗᑎᓪᓗ.

ᑖᓐᓇ ᐃᑭᐊᖅᑭᔾᔪᑎᕗᑦ ᒪᑐᐃᖓᔭᓯ ᑐᓴᕈᑎᖃᐅᖅᑐᖅ ᐃᑲᔫᑕᐅᓂᐊᖅᑐᒥᒃ ᓱᖏᐅᓴᐃᓂᕐᒧᑦ ᓄᑖᓂᒃ ᐃᖅᑲᓇᐃᔭᖅᑎᓂᒃ ᐃᖅᑲᓇᐃᔮᓕᓐᓂ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓂ ᐃᓄᓕᕆᔨᒃᑯᓐᓂᓗ. ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᓄᑖᖅ ᐃᖅᑲᓇᐃᔭᖅᑎᓄᑦ ᑎᑎᕋᕆᐊᓐᖓᐅᑎᓕᐊᖓ ᓱᖏᐅᓴᐃᓂᕐᒧᑦ ᐊᑐᐊᖅᓯᔾᔪᑏᑦ ᐅᖃᓕᒫᒐᑦ ᐊᑐᐃᓐᓇᐅᔪᑦ ᑕᕝᕙᓂ ᑎᑎᕋᕆᐊᓐᖓᐅᑎᓕᐊᖑᓯᒪᓪᓗᓂ ᑐᑭᓯᒋᐊᕈᑎᒃᓴᓕᐊᖑᓯᒪᔪᖅ ᐅᖃᓕᒫᒐᖅ ᑕᐃᒎᓯᓕᒃ ᐃᓅᓯᖃᕐᓂᖅ ᓄᓇᕗᑦ ᓄᓇᓕᖓᓂ.