• English
  • Français
  • Inuinnaqtun
Photo

ᐃᓕᓐᓂᐊᕐᓂᖅ

ᐋᓐᓂᐊᓯᐅᖅᑎᐅᓂᖅ ᐊᖏᓯᒪᓂᖃᕆᐊᖃᒻᒪᕆᑦᑐᖅ ᐃᓅᓯᓕᒫᒧᑦ ᐃᓕᓐᓂᐊᓂᐅᒻᒪᑦ. ᐱᒋᐊᕈᑎᓕᒃ ᐃᓕᓐᓂᐊᕕᖕᒥ ᐃᓕᓐᓂᐊᓂᕐᒥᒃ ᐋᓐᓂᐊᓯᐅᖅᑎᐅᓂᕐᒧᑦ ᐊᒻᒪᓗ ᓱᓕ ᑲᔪᓯᕙᓪᓕᐊᖏᓐᓇᕐᖢᓂ ᐃᓕᓐᓂᐊᕐᓂᖅ ᐊᒻᒪᓗ ᐊᔪᕈᓐᓃᓴᖅᐸᓪᓕᐊᓂᖅ ᑲᑎᓐᖓᓂᒃᑯᑦ ᐃᓕᓐᓂᐊᖃᑎᒌᖃᑦᑕᓂᒃᑯᑦ, ᑲᑎᒪᓂᕐᔪᐊᒃᑯᑦ, ᓇᓗᓇᐃᒃᑯᑕᖅᑖᐸᓪᓕᐊᓂᕐᒧᑦ ᐃᓕᓐᓂᐊᕈᑎᓄᑦ ᐊᒻᒪᓗ ᐃᓕᑉᐸᓪᓕᐊᓂᖅ ᓄᑖᓂᒃ ᐊᒻᒪᓗ ᐅᓪᓗᒥᒨᖓᔪᓂᒃ ᓄᑖᓂᒃ ᓴᖅᑭᐸᓪᓕᐊᔪᓂᒃ ᐊᒻᒪᓗ ᐊᑐᖅᑕᐅᖃᑦᑕᖅᑐᓂᒃ. ᓄᓇᕗᒻᒥ ᐃᓕᓐᓂᐊᕕᒃᓴᐅᔪᖅ ᐋᓐᓂᐊᓯᐅᖅᑎᐅᓂᕐᒧᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᖓᒍᑦ ᐊᒻᒪᓗ ᐃᑲᔪᖅᓯᓯᒪᒍᓐᓇᖅᑐᖅ ᐊᔪᕈᓐᓃᓴᒃᑲᓂᕐᓂᕐᒥᒃ ᐊᔪᓐᖏᑐᕐᔪᐊᓄᑦ ᓄᓇᕗᒻᒥ ᐋᓐᓂᐊᓯᐅᖅᑎᐅᓂᕐᒧᑦ. ᐋᓐᓂᐊᓯᐅᖅᑎᒃᓴᒧᑦ ᐃᓕᓐᓂᐊᕕᒃᓴᐅᔪᖅ ᐊᑐᕐᓗᒋᑦ ᐃᑲᔪᖅᑕᐅᔾᔪᑏᑦ (ᑖᒃᑯᓄᓐᖓᖓᓂᖏᑦ ᒪᓕᓪᓗᒋᑦ GPA) ᐊᕐᕌᒍᓕᒫᖅ ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᖕᒥ ᐋᓐᓂᐊᓯᐅᖅᑎᐅᓂᕐᒧᑦ ᐃᓕᓐᓂᐊᒐᒃᓴᐅᔪᒧᑦ.

ᓄᓇᕗᒻᒥᐅᑦ ᐃᓕᓐᓂᐊᕈᒪᔪᑦ ᐋᓐᓂᐊᓯᐅᖅᑎᒃᓴᐅᓂᕐᒧᑦ ᖃᐅᔨᒋᐊᒃᑲᓐᓂᕈᓐᓇᖅᑐᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᖕᒧᑦ ᐃᑭᐊᖅᑭᔾᔪᑎᖓᓄᑦ ᐅᕗᖓ www.nac.nu.ca.

ᐃᓕᓐᓂᐊᕈᒪᔪᑦ ᐋᓐᓂᐊᓯᐅᖅᑎᒃᓴᐅᓂᕐᒧᑦ ᖃᐅᔨᒪᑦᓯᐊᕐᓂᖃᕆᐊᓖᑦ ᓈᓴᐅᓯᕆᓂᕐᒥᒃ, ᖃᐅᔨᓴᖅᑐᓕᕆᓂᕐᒥᒃ ᐊᒻᒪᓗ ᑐᓴᐅᒪᖃᑦᑕᐅᑎᓕᕆᓂᕐᒥᒃ. ᐃᓕᓐᓂᐊᕈᒪᔪᑦ ᐊᓐᖑᑎᑎᑦᓯᒋᐊᕈᓐᓇᓲᖑᔪᑦ ᐃᓕᓐᓂᐊᖅᓯᒪᓂᕐᒥᓂᒃ ᐊᔪᓐᖏᒋᐊᓕᖏᓐᓄᑦ ᑎᑭᐅᑎᓇᓱᐊᕐᓗᑎᒃ ᐊᒻᒪᓗ/ᐅᕝᕙᓘᓐᓃᑦ ᐊᔪᓐᖏᔾᔪᑎᒃᓴᓂᒃ ᐃᓕᓐᓂᐊᖃᑕᐅᓂᕐᒧᑦ ᐃᓯᕈᓐᓇᐅᑎᑖᕐᓂᕐᒥᒃ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᐅᑉ ᑐᓐᖓᕕᒋᔭᐅᔪᖅ ᐊᕐᕌᒍᖓᓂ ᐃᓕᓐᓂᐊᖅᑕᐅᔪᒥ ᐃᓕᓐᓂᐊᕋᒃᓴᐅᑎᑕᐅᖃᑦᑕᖅᑐᖅ ᐃᖃᓗᓐᓂ, ᑲᖏᖠᓂᕐᒥ ᐊᒻᒪᓗ ᐃᖃᓗᑦᑑᑦᑎᐊᒥ. ᐃᓕᓐᓂᐊᕋᑦᓴᖅ ᒪᓂᒪᑎᑕᐅᔪᖅ ᐊᕐᕌᒎᒃ ᒪᕐᕉᒃ ᐅᖓᑖᓄᑦ ᖁᑦᓯᓂᖅᓴᒥᒃ ᐃᓕᓐᓂᐊᓂᕐᒥᒃ. ᓇᕿᓪᓗᒍ ᑖᓐᓇ ᑐᑭᓯᒋᐊᒃᑲᓂᕐᕕᒃᓴᖅ.